স্বাধীনতা দিৱস উপলক্ষত ঢকুৱাখনাত ৰক্তদান শিবিৰ সম্পন্ন...

ডিজিটেল সংবাদ ঢকুৱাখনা: ভাৰতবৰ্ষৰ ৭৮ সংখ্যক স্বাধীনতা দিৱস উপলক্ষত সোমবাৰে ঢকুৱাখনা মহাবিদ্যালয়ত অনুষ্ঠিত কৰা হয় এক ৰক্তদান শিবিৰ । ঢকুৱাখনা মহকুমা প্ৰশাসন  আৰু  ঢকুৱাখনা মহাবিদ্যালয়ৰ এন এছ এছ  গোটৰ উদ্যোগত  আৰু ইলোৰা বিজ্ঞান মঞ্চ ঢকুৱাখনাৰ সহযোগত অনুষ্ঠিত কৰা এই ৰক্তদান শিবিৰত মুঠ ৩১ গৰাকী ৰক্তদাতাই স্বেচ্ছাই ৰক্তদান কৰে ।

এই সন্দৰ্ভত অনুষ্ঠিত অনুষ্টুপিয়া সভাৰ উদ্বোধন কৰে ঢকুৱাখনা  মহকুমাৰ মহকুমাধিপতি কাৰ্ত্তিক কলিতাই। ঢকুৱাখনা মহাবিদ্যালয়ৰ অধ্যক্ষ ডঃ যোগানন্দ সূতে আদৰণি ভাষণ আগবঢ়োৱা সভাত ঢকুৱাখনা মহকুমা চিকিৎসা বিষয়া (মুখ্য কাৰ্য্যালয়) ডাঃ অতুল খাউণ্ড , চিকিৎসা বিষয়া ডাঃ প্ৰদীপ মিলি , ডাঃ বিজয় শৰ্মা ,ডাঃ অভিষেক চৌধুৰী , ডাঃ জুৰিটি গগৈ , সমন্বয়ক চম্পক শৰ্মা সহ বহু সংখ্যক স্বাস্থ্য কৰ্মীয়ে সহযোগিতা আগবঢ়াই। ৰক্তদান শিবিৰত ঢকুৱাখনাৰ প্ৰশাসনিক বিষয়া সহ মুঠ ৩১ গৰাকী ৰক্তদাতাই ৰক্তদান কৰে ।