ডিজিটেল সংবাদ মঙলদৈঃ দুৰ্নীতিৰ অভিযোগত মঙলদৈ জলসিঞ্চন সংমণ্ডলৰ সহকাৰী কাৰ্যবাহী অভিযন্তা অমল তালুকদাৰ নিলম্বন । জলসিঞ্চন বিভাগৰ সচিব পৱিত্ৰৰাম খাউণ্ডে বৃহস্পতিবাৰে এই সন্দৰ্ভত এক নিৰ্দেশনা প্ৰদান কৰিছে।
উল্লেখ্য যে, মঙলদৈ জলসিঞ্চন সংমণ্ডলৰ সহকাৰী কাৰ্যবাহী অভিযন্তা তালুকদাৰে মঙলদৈ, দলগাঁও, ছিপাঝাৰৰ বিভিন্ন কামত নিয়ম বহিৰ্ভূত কাৰ্যত লিপ্ত হৈছে। যাৰ বাবে তেওঁৰ সন্দৰ্ভত এই কঠোৰ সিদ্ধান্ত গ্ৰহণ কৰা হৈছে।
অভিযোগ অনুসৰি নিলম্বিত সহকাৰী অভিযন্তা অমল তালুকদাৰে ঠিকাদাৰক বিল আদায় নিদিয়া, তথ্যৰ বিসংগতি কৰা, কাৰ্যালয়ত বিশৃংখলতা সৃষ্টি কৰা, কৰ্তৃপক্ষক বিপথে পৰিচালনা কৰাৰ দৰে কাৰ্যত লিপ্ত হৈছে।
