৮ ডিচেম্বৰৰ পৰা ১৪ ডিচেম্বৰলৈ মঙলদৈ গ্ৰন্থ মেলা..

ডিজিটেল সংবাদ মঙলদৈঃ বিগত তিনি বছৰৰ দৰে এই বছৰো মঙলদৈ প্ৰেছ ক্লাৱৰ উদ্যোগত অনুষ্ঠিত হ'ব মঙলদৈ গ্ৰন্থ মেলা-২০২৪। অহা ৮ ডিচেম্বৰৰ পৰা আৰম্ভ হ'ব এই গ্ৰন্থ মেলা। 

এই উপলক্ষে বুধবাৰে মঙলদৈ গান্ধী ময়দান বাকৰিত লাইখুঁটা স্থাপন কৰা হয়। মঙলদৈ গ্ৰন্থমেলাৰ এই লাইখুঁটা স্থাপন কৰে দৰং জিলা সাহিত্য সভাৰ সবাপতি ৰজনীকান্ত নাথে। 

উল্লেখ্য যে, এইবাৰ গ্ৰন্থমেলাৰ উদ্বোধনী দিনটোত উপস্থিত থাকিব দেশৰ প্ৰাক্তন মুখ্য ন্যায়াধীশ ৰঞ্জন গগৈ। তাৰোপৰি উপস্থিত থাকিব সাহিত্য, শিক্ষা, সংবাদ জগতৰ বহু কেইজন বিশিষ্ট ব্যক্তি। 

এইবাৰ মঙলদৈ গ্ৰন্থ মেলা ৮ ডিচেম্বৰৰ পৰা ১৪ ডিচেম্বৰলৈ অনুষ্ঠিত হ'ব। এই গ্ৰন্থ মেলা অনুষ্ঠিত কৰা হৈছে সদৌ অসম পুঁথি প্ৰকাশন আৰু বিক্ৰেতা সন্থাৰ সহযোগত।