বকোত পুৱাই গাড়ীসহ চোৰাং গৰু জব্দ: আটক ৭ জন…

ডিজিটেল সংবাদ, বকো: কামৰূপ জিলাৰ বকোত সোমবাৰে পুৱা ডি আই গাড়ীৰে কঢ়িয়াই অনা চোৰাং গৰু সহ সাতজন লোকক আটক কৰা ঘটনাই চাঞ্চল্যৰ সৃষ্টি কৰিছে ।

ঘটনাৰ বিৱৰণ মতে এক গোপন সূত্ৰৰ পম খেদি বকো আৰক্ষীৰ দল এটাই বকো থানাৰ অন্তৰ্গত মুছলিম চাৰিআলি চ'কত অভিযান চলাই এএচ-০১ /এফ চি -৩৫৫৪ নম্বৰৰ আৰু এখন নম্বৰ প্লেটহীন ডি আই গাড়ীৰে কঢ়িয়াই অনা ২০ চোৰাং গৰু জব্দ কৰে ।

লগতে গৰুকেইটা চোৰাংকৈ অনা ঘটনাৰ লগত জড়িত ৭গৰাকী লোকক আৰক্ষীয়ে আটক কৰিছে । বকো আৰক্ষীয়ে গোপনীয়তাৰ স্বাৰ্থত এতিয়ালৈকে সবিশেষ প্ৰকাশ কৰা নাই। সম্প্ৰতি ঘটনাৰ লগত জড়িত লোক কেইজনক আৰক্ষীয়ে সোধা-পোছা অব্যাহত ৰাখিছে ।

আৰু পঢ়ক: সৰুক্ষেত্ৰী সমষ্টিত গৃহ নিৰ্মাণৰ নামত ভয়ংকৰ দুৰ্নীতি…