ৰাজ্যৰ উপায়ুক্তৰে মুখ্যমন্ত্রীৰ গুৰুত্বপূৰ্ণ বৈঠক...

ডিজিটেল ডেস্কঃ ৰাজ্যৰ উপায়ুক্তৰে মুখ্যমন্ত্রী ড০ হিমন্ত বিশ্ব শৰ্মাৰ গুৰুত্বপূৰ্ণ বৈঠক । ভিডিঅ’ কনফাৰেঞ্চিঙৰ জড়িয়তে মুখ্যমন্ত্ৰীগৰাকীয়ে দেওবাৰে মিলিত হয় বৈঠকত । এই বৈঠকত অংশগ্ৰহণ কৰে প্রতিখন জিলাৰ আৰক্ষী অধীক্ষকসকলেও ।

আজিৰ বৈঠকত উপায়ুক্ত সকললৈ কঠোৰ নিৰ্দেশ প্ৰদান কৰিছে মুখ্যমন্ত্রীগৰাকীয়ে ।ঠিকাদাৰ সকলৰ বিৰুদ্ধে কঠোৰ হোৱাৰ নিৰ্দেশ মুখ্যমন্ত্রীৰ । সোমবাৰৰ ভিতৰত ৰাজ্যৰ পথসমূহৰ মাজত থকা সকলো গাঁত বন্ধ কৰাৰ নিৰ্দেশ । নিৰ্মাণস্থলীত বেৰিকেড ৰখাৰ গুৰুত্বপূৰ্ণ নিৰ্দেশ । নিৰ্ধাৰিত সময়ৰ পিছত ৰাজ্যৰ পথসমূহত গাঁত প্ৰত্যক্ষ কৰিলেই গ্ৰহণ কৰা হ'ব বিহিত ব্যৱস্থা । বৰষুণৰ বাবে ৰাজ্যত হ'বলগীয়া সম্ভাব্য পৰিস্থিস্তিৰ বাবে এনডিআৰএফৰ লগতে সকলো বিভাগকে সস্তম হৈ থকাৰ নিৰ্দেশ ।

নিয়ম ভংগকাৰীৰ বিৰুদ্ধেও কঠোৰ ব্যৱস্থা ল'বলৈ প্ৰতিগৰাকী আৰক্ষী অধীক্ষকলৈ মুখ্যমন্ত্রীৰ নিৰ্দেশ । আঁচনি প্রকল্প ৰূপায়ণত গাফিলতি হ’লে জবাবদিহি হ’ব বিষয়া ।ৰাইজৰ অভিযোগ ল’ব পৰাকৈ উপাযুক্তসকলক উপযুক্ত ব্যৱস্থা গ্রহণৰ নিৰ্দেশ । ৰাজ্যৰ সাম্ভাৱ্য বান পৰিস্থিতিক লৈও আলোচনা বৈঠকত । বৈঠকত উপস্থিত আছে কেইবাটাও গুৰুত্বপূৰ্ণ বিভাগৰ বিষয়াসকল ।

Also Read: টলকাবাৰী কীৰ্তন গৃহত ধৰ্মলোচনী সভা সম্পন্ন...