ছেপ্টেম্বৰত আহিব ইউনেস্ক'ৰ প্ৰতিনিধিঃ মুখ্য সচিবে পৰিদৰ্শন কৰিলে চৰাইদেউ মৈদাম...

ডিজিটেল সংবাদ চৰাইদেউঃ মাজত মাথোঁ কেইটামান দিন বাকী ৷ছেপ্টেম্বৰ মাহত আহিব ইউনেস্ক'ৰ পৰা চৰাইদেউ মৈদামক্ষেত্ৰলৈ প্ৰতিনিধিৰ দল ৷ ইউনেস্ক'ৰ প্ৰতিনিধিৰ ভ্ৰমণ কালৰ প্ৰাকক্ষণত আজি ঐতিহাসিক চৰাইদেউ মৈদামক্ষেত্ৰত অসম চৰকাৰৰ মুখ্য সচিব পৱন কুমাৰ বৰঠাকুৰৰ লগতে চৰাইদেউ ,শিৱসাগৰ জিলা প্ৰশাসনৰ আৰু পুৰাতাত্বিক বিভাগৰ শীৰ্ষ বিষয়া-বৰ্গই ঐতিহাসিক চৰাইদেউ মৈদাম পৰিভ্ৰমণ কৰে ৷

ইউনেস্ক'ৰ বিশ্ব ঐতিহ্যৰ মূল তালিকাত ঐতিহাসিক চৰাইদেউ মৈদামক্ষেত্ৰ অন্তৰ্ভুক্তিৰ লক্ষ্যৰে চৰাইদেউ মৈদামত পূৰ্ণগতি চলি থকা কাম কাজৰ তদাৰক কৰে ৰাজ্যৰ মুখ্য সচিবগৰাকীয়ে ৷ পৰিদৰ্শন কালত সচিবগৰাকীক চৰাইদেউ জিলাত আয়ুক্ত নিবেদন দাস পাটোৱাৰী শিৱসাগৰ আয়ুক্ত আদিত্য বিক্ৰম য়াদৱ, বিধায়ক ধৰ্মেশ্বৰ কোঁৱৰ অসম প্ৰত্নতাত্বিক সঞ্চালকালয়ৰ সঞ্চালিকা ড° দিপীৰেখা কুলি, উপ-সঞ্চালক ড° নৱজিৎ দেউৰী, পুৰাতাত্বিক আৰু সাংস্কৃতিক বিশেষজ্ঞ ড° কে চি ন'ৰিয়াল, নাজিৰা মহকুমাধিপতিকে ধৰি বিভিন্ন কৰ্মচাৰীয়ে সংগ দিয়ে ৷

Also Read: টুইট কৰিবলৈ বাধ্য হ’ল জমেট’, তোলপাৰ ছ’চিয়েল মেডিয়া