ডিজিটেল সংবাদ, চৰাইদেউঃ শুকুৰবাৰৰ পৰা তিনিদিনীয়া কাৰ্যসূচীৰে অনুষ্ঠিত কৰা হয় গৌৰৱোজ্জ্বল দ'লবাগান উচ্চতৰ মাধ্যমিক বিদ্যালয়ৰ শতবৰ্ষৰ সামৰণি অনুষ্ঠান ৷ শতবৰ্ষৰ সামৰণি অনুষ্ঠানৰ সৈতে সংগতি ৰাখি দেওবাৰে বিদ্যালয় খেলপথাৰ পৰা বাহিৰ কৰা হৈছে এক বৰ্ণিল সাংস্কৃতিক শোভাযাত্ৰা।
অসমৰ প্ৰায়বোৰ জাতি-জনগোষ্ঠীৰ থলুৱা সংস্কৃতি, ভিন্ন উৎসৱ আদিক আৰ্হি হিচাপে লৈ ন-পুৰণি ছাত্ৰ-ছাত্ৰীসকলে উলিয়াই এই সাংস্কৃতিক শোভাযাত্ৰা ৷ খেলপথাৰৰ পৰা বাহিৰ হোৱা এই শোভাযাত্ৰাৰ নেতৃত্বত দিছে একালৰ প্ৰাক্তন ছাত্ৰ তথা বিধায়ক ধৰ্মেশ্বৰ কোঁৱৰে ৷
সহস্ৰাধিক ন-পুৰণি ছাত্ৰ-ছাত্ৰীয়ে অংশগ্ৰহণ কৰা এই বাৰেৰহনীয়া সাংস্কৃতিক শোভাযাত্ৰাই জীপাল কৰি তোলে আকাশ-বতাহ। বিধায়ক দেৱব্ৰত শইকীয়াই উদ্বোধন কৰা শোভাযাত্ৰা চৰাইদেউ মৈদাম হৈ দ’লবাগান খেলপথাৰত সামৰণি পৰে ৷