ডিজিটেল সংবাদ,কোকৰাঝাৰঃ কোকৰাঝাৰত অনুষ্ঠিত হ'ব অসম বিধানসভাৰ শীতকালীন অধিৱেশন । কোকৰাঝাৰৰ বিটিআৰ বিধান পৰিষদীয় ভৱনত অনুষ্ঠিত হ'ব অসম বিধান সভাৰ শীতকালীন অধিৱেশন ৷
কোকৰাঝাৰত অনুষ্ঠিত হ'বলগীয়া এই অধিৱেশনক লৈ সোমবাৰে বিয়লি বিটিআৰ বিধান পৰিষদীয় ভৱন পৰিদৰ্শন কৰে বিধানসভাৰ অধ্যক্ষ বিশ্বজিৎ দৈমাৰীয়ে।
সংবাদমাধ্যমৰ আগত অসম বিধানসভাৰ অধ্যক্ষ বিশ্বজিৎ দৈমাৰীয়ে সদৰী কৰা মতে অহা নৱেম্বৰ - ডিচেম্বৰত কোকৰাঝাৰত অনুষ্ঠিত হ'ব অসম বিধানসভাৰ শীতকালীন অধিৱেশন ।
এসপ্তাহ ধৰি চলিব এই অধিৱেশন । মন্ত্ৰী -বিধায়কক ৰখাৰ বাবে কোকৰাঝাৰত সুব্যৱস্থা আছে । যাৰ ঘৰত ৰুম আছে তেওঁলোকে মন্ত্ৰী বিধায়কক আলহী হিচাপেও ৰাখিব পাৰিব ।
অসম বিধানসভাৰ সদস্যসকলক স্থানীয় কলা-কৃষ্টি -সংস্কৃতিৰ বিষয়ে অৱগত কৰোৱা হ'ব ।অঞ্চলৰ লগতে ভূটান পৰিভ্ৰমনো কৰিব পাৰিব মন্ত্ৰী বিধায়কসকলে । স্থানীয় লোকক বিধানসভাৰ কাৰ্যপ্ৰণালী প্ৰত্যক্ষ কৰাৰ সুযোগ প্ৰদান কৰা হ'ব । মুখ্যমন্ত্ৰী , মন্ত্ৰী, বিধায়ক সকলোৱে ইয়াতে এসপ্তাহ থাকিব ।
উল্লেখ্য যে, বিটিআৰ বিধান পৰিষদীয় ভৱন পৰিদৰ্শনৰ অন্তত বিশ্বজিৎ দৈমাৰীয়ে বিটিআৰ বিধান পৰিষদৰ অধ্যক্ষ কাতিৰাম বড়ো আৰু বিটিআৰ সচিবালয়ৰ প্ৰশাসনিক বিষয়াসকলৰ সতে এক বৈঠকত মিলিত হয় ৷
