শিলচৰত বি এছ এফে জব্দ কৰে প্ৰায় ১ কোটি টকা মূল্যৰ ড্ৰাগছ

ড্ৰাগছৰ বিৰুদ্ধে অভিযান চলাই বিএছএফে কৰিমগঞ্জ জিলাৰ লামাজুৱাৰৰ পৰা জব্দ কৰিছে বুজন পৰিমাণৰ হিৰোইন ৷ গোপন তথ্যৰ ভিত্তিত লামাজুৱাৰৰ এটি পেট্ৰল পাম্পৰ ওচৰত এখন মটৰ চাইকেলত তালাচী চলাই বিএছএফ আৰু আৰক্ষীয়ে জব্দ কৰে ১২ টা হিৰোইন ভৰ্তি চাবোনৰ বাকচ ৷

বাকচ কেইটাৰ পৰা ১৫৭ গ্ৰাম হিৰোইন জব্দ কৰা হয় ৷ জব্দ কৰা হিৰোইন খিনিৰ মূল্য ১ কোটি ৯ লাখ ৯০ হাজাৰ টকা হব বুলি সদৰী কৰিছে বিএছএফে ৷ অবৈধ হিৰোইন সৰবৰাহৰ অভিযোগত বিএছএফে দুজন সৰবৰাহকাৰীক আটক কৰে ৷ ধৃত লোক দুজন নিলাম বাজাৰৰ নাজিম উদ্দিন আৰু পাথাৰকান্দিৰ ৰছিদ আহমেদ ৷