আজি প্ৰেমৰ দিৱস,জীৱজগততো চিৰপ্ৰবাহমান প্ৰেম

ডিজিটেল সংবাদ, কাজিৰঙা : আজি প্ৰেমৰ দিৱস ৷ প্ৰেমৰ দিৱস উদযাপন অসমৰ পৰম্পৰা নহয় যদিও বহু বছৰ বছৰ ধৰি অসমত বিশেষ ভাৱে একাংশই ১৪ ফেব্ৰুৱাৰী দিনটো পালন কৰি আহিছে ভেলেণ্টাইন ডে' হিচাবে ৷ এই বিশেষ দিনটো প্ৰেমৰ দিৱস হিচাবে পালন কৰিলেও মানৱ জীৱনত প্ৰেমৰ অনুভূতি যিদৰে চিৰ প্ৰৱাহমান ঠিক সেইদৰে বন্য জীৱ জন্তুৰ মাজতো প্ৰেমৰ অপূৰ্ব নিদৰ্শনে অৱতাৰণা কৰে নান্দনিক দৃশ্যৰ ৷

বিশেষ ভাৱে ধনেশ,চাকৈচকোৱা,ভাটৌ,হৰিণা,অসম গৌৰৱ এশিঙীয়া গঁড়,হাতী আদিৰ প্ৰেমৰ নিদৰ্শন চালে চকুৰোৱা,নয়নাভিৰাম ৷ জীৱজন্তুৰ প্ৰেমৰ নিদৰ্শন কেতিয়াবা মানৱ জীৱনৰ বাবেও হ’ব পাৰে অনুপ্ৰেৰণা ৷ প্ৰকৃতি প্ৰেমীৰ আহ্বান প্ৰেমৰ এই দিনটো কেৱল মানুহৰ মাজতে সীমাবদ্ধ নাৰাখি প্ৰসাৰিত হ’ব লাগে জীৱজগতলৈ ৷ জীৱজগতৰ প্ৰতি মানুহৰ প্ৰেম ভালপোৱাই প্ৰকৃতিৰ লগত মানুহৰ সম্পৰ্ক হৈ পৰিব অধিক সুদৃঢ় ৷