পুখুৰীত পৰি যুৱকৰ সলিল সমাধি

ডিজিটেল সংবাদ, বোকাখাত: বুধবাৰে বোকাখাতৰ সাপজুৰীত এক শোকাৱহ দুৰ্ঘটনা সংঘটিত হয় । পুখুৰীত পৰি সলিল সমাধি এজন যুৱকৰ। যুৱকজন সাপজুৰি বঙালী গাৱঁৰ সুনীল ভূমিজ বুলি জানিব পৰা গৈছে ।

মৃত লোকজনৰ বয়স ৩৮ । স্থানীয় পুখুৰী এটাত মাছ ধৰা চাবলৈ গৈ সংঘটিত হয় এই শোকাৱহ ঘটনা । বোকাখাত আৰক্ষী, এছডিআৰএফ আৰু স্থানীয় ৰাইজৰ সহযোগত সুনীলৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে আৰক্ষীয়ে ৷