ডিজিটেল সংবাদ, বোকাজান : বোকাজান টিংলিজানত লোমহৰ্ষক হত্যাকাণ্ড। অচিনাক্ত দুৰ্বৃত্তৰ দাৰ ঘাপত মৃত্যু এজন যুৱকৰ। হত্যা কৰি পথাৰত পেলাই থৈ গ'ল মৃতদেহ।
টিংলিজানৰ গাৰো গাঁৱত সংঘটিত হৈছে এই ঘটনা। মৃত লোকজনৰ নাম ৰিমচন মাৰাক বুলি জানিব পৰা গৈছে। পকা মিস্ত্ৰীৰ কাম কৰিছিল লোকজনে। ঘটনাস্থলীত ইতিমধ্যে বোকাজান আৰক্ষী উপস্থিত হৈছে।
কি কাৰণত কেনেকৈ এই ঘটনা সংঘটিত হয় সেইয়া বৰ্তমানেও জানিব পৰা হোৱা নাই। আৰক্ষীৰ পূৰ্ণ পৰ্যায়ৰ তদন্তৰ পাছতহে ঘটনাৰ প্ৰকৃত ৰহস্য উদঘাটন হ'ব।
