কোকৰাঝাৰত মঙ্গলবাৰৰ পৰা ঐতিহাসিক ডুৰাণ্ড কাপৰ মেচ...

ডিজিটেল সংবাদ কোকৰাঝাৰঃ ৩০ জুলাই, মঙ্গলবাৰৰ পৰা কোকৰাঝাৰত দ্বিতীয়বাৰৰ বাবে অনুষ্ঠিত হ'ব ঐতিহ্যমণ্ডিত ডুৰাণ্ড কাপ ফুটবল প্ৰতিযোগিতা ৷ প্ৰতিযোগিতাখনি উপলক্ষে আজি নিশা বিটিচি প্ৰধান প্ৰমোদ বড়োয়ে অত্যাধুনিক আন্ত:ৰাষ্ট্ৰীয় মানদণ্ডৰ খেলপথাৰখন মুকলি কৰে।

উল্লেখ্য যে মঙ্গলবাৰে দিনৰ ঠিক ৪ বজাৰ পৰা অনুষ্ঠিত হ'ব কোকৰাঝাৰৰ ছাই ষ্টেডিয়ামত ফুটবলৰ এই মহাৰাণ। ইয়াৰ পূৰ্বে ২ বজাৰ পৰা অনুষ্ঠিত হ'ব উদ্বোধনী অনুষ্ঠান ।

উদ্বোধনী অনুষ্ঠানত বাৰেৰহনীয়া সাংস্কৃতিক আৰু প্ৰদৰ্শনীমূলক কাৰ্যসূচী পৰিৱেশন কৰা হ'ব। মঙ্গলবাৰৰ এই উদ্বোধনী মেচখন বডোলেণ্ড এফ চি আৰু নৰ্থ ইষ্ট ইউনাইটেডৰ মাজত অনুষ্ঠিত হ'ব ৷

উদ্বোধনী অনুষ্ঠানত উপস্থিত থাকিব বিটিআৰ প্ৰধান প্ৰমোদ বড়োসহ দেশৰ সেনাবাহিনীৰ বহু কেইজন শীৰ্ষ বিষয়া৷ তদুপৰি মুখ্য অতিথি হিচাপে উপস্থিত থাকিব মিজোৰামৰ ক্ৰীড়ামন্ত্ৰী লালংঘিংলোভা হমাৰ আৰু ভূটানৰ প্ৰাক্তন প্ৰধানমন্ত্ৰী ড০ দাশ্বো লোটে চিৰিং।

উল্লেখ্য যে ৩০ জুলাইৰ পৰা ১৬ আগষ্টলৈকে কোকৰাঝাৰত ডুৰাণ্ড কাপৰ মুঠ ৬ খন লীগ পৰ্যায়ৰ মেচ অনুষ্ঠিত হ'ব আৰু ২১ আগষ্টত এখন কোৱাৰ্টাৰ ফাইনেলৰ মেচ অনুষ্ঠিত হ'ব ৷ ৰাষ্ট্ৰীয় পৰ্যায়ৰ এই ঐতিহাসিক প্ৰতিযোগিতাখনক লৈ কোকৰাঝাৰত এক উৎসৱমুখৰ পৰিৱেশে বিৰাজ কৰিছে।

Also Read: জোনাইত কৃষক মুক্তিৰ নেতাক দলবদ্ধ আক্ৰমণৰ ঘটনাক সন্দৰ্ভত সংবাদ মেল