বাক্সাৰ নিকাছিত অন্যান্য পিছপৰা শ্ৰেণীৰ ত্ৰি-বাৰ্ষিক সাধাৰণ সভা

ডিজিটেল সংবাদ, বাক্সাঃ বাক্সা জিলাৰ মুছলপুৰৰ ওচৰৰ নিকাছিস্থিত জ্ঞানপীঠ ডিগ্ৰী মহাবিদ্যালয় সভাকক্ষত‌ দেওবাৰে সদৌ অসম অন্যান্য পিছপৰা শ্ৰেণী সন্মিলনৰ মুছলপুৰ জিলা সমিতিৰ ত্ৰি-বাৰ্ষিক সাধাৰণ সভাখন অনুষ্ঠিত হয় । ভিন্ন প্ৰান্তৰ পৰা অন্যান্য পিছপৰা শ্ৰেণীৰ প্ৰতিনিধিয়ে অংশগ্ৰহণ কৰা আজিৰ সভাত সভাপতিত্ব কৰে মুছলপুৰ জিলা অন্যান্য পিছপৰা শ্ৰেণী সন্মিলনৰ সভাপতি দ্বীজেন দাসে ।

উক্ত সভাতে যোৱা তিনিটা বৰ্ষৰ কাৰ্যকালৰ বিৱৰণ দিয়াৰ লগতে হিচাপ-নিকাচ দাখিল কৰা হয় । সভাত উপস্থিত থাকি মুছলপুৰ জিলা অন্যান্য পিছপৰা শ্ৰেণী সন্মিলনৰ সভাপতি দ্বীজেন দাসে কয় যে পূৰ্বপুৰুষ সূত্ৰে যিসকল ল'ৰা-ছোৱালী অন্যান্য পিছপৰা শ্ৰেণীৰ অন্তৰ্ভূক্ত হ'ব লাগে তেওঁলোকক বাদ নেপেলাবলৈ চেষ্টা কৰা হৈছে । লগতে কয় যে, আগতে কোনোবাই ভেজাল অন্যান্য পিছপৰা শ্ৰেণীৰ প্ৰমাণপত্ৰ লাভ কৰিছিল যদিও এতিয়া সেইবোৰ মুঠেই হ'ব নোৱাৰে । এতিয়া অনলাইন মাধ্যমেৰে সকলো হয়, আমি মাত্ৰ পৰামৰ্শ প্ৰদান কৰো ।

Also Read: পৃথিৱীৰ সবাতোকৈ গুৰুত্বপূৰ্ণ মানুহজন- আপুনি