ওৰাঙত সুধাকন্ঠ ড° ভূপেন হাজৰিকাৰ মৃত্যু বাৰ্ষিকী উদযাপনৰ প্ৰস্তুতি

ডিজিটেল সংবাদ,ওৰাং:- সমগ্ৰ ৰাজ্যৰ লগতে ওৰাঙতো ৫ নবেম্বৰত সুধাকণ্ঠ ড° ভূপেন হাজৰিকাৰ একাদশ বাৰ্ষিক স্মৃতি দিৱস উদযাপন কৰিবলৈ প্ৰস্তুতি কৰা হৈছে। মানুহে মানুহৰ বাবে শীৰ্ষক অনুষ্ঠানেৰে ওৰাং লক্ষী মন্দিৰ প্ৰাংগণত ৰাইজৰ সহযোগত দিন যোৰা কাৰ্যসূচীৰে ‌ড° ভূপেন হাজৰিকাৰ একাদশ বাৰ্ষিক স্মৃতি দিৱস উদযাপন কৰা হ'ব।

কাৰ্যসূচী অনুসৰি পুৱা ১১ বজাত ৰাজহুৱাভাৱে ড° ভূপেন হাজৰিকা দেৱৰ প্ৰতিচ্ছবিত মাল্যাৰ্পণ আৰু বন্তি প্ৰজ্বলন অনুষ্ঠান অনুষ্ঠিত হ'ব। ইয়াৰ পিছতে বৃক্ষ ৰোপন অনুষ্ঠান অনুষ্ঠিত হ'ব। দিনৰ ১২ বজাত সমবেত সংগীত পৰিবেশন কৰিব ওৰাং সংগীত মহাবিদ্যালয়ৰ ছাত্ৰ-ছাত্ৰী সকলে।

দুপৰীয়া ১২.৩০ বজাত ড° ভূপেন হাজৰিকাৰ সমাজ জীৱনৰ ওপৰত বক্তব্য অনুষ্ঠান অনুষ্ঠিত হ'ব। ২ বজাত কথক নৃত্য প্ৰদৰ্শনী অনুষ্ঠান অনুষ্ঠিত হ'ব। আবেলি ৩ বজাত বিশেষ সম্বৰ্ধনা অনুষ্ঠান অনুষ্ঠিত হ'ব। কাৰ্যসূচী অনুসৰি আবেলি ৪ বজাত ভূপেন্দ্ৰ সংগীত প্ৰতিযোগীতা অনুষ্ঠান অনুষ্ঠিত হ'ব।

সন্ধিয়া ৭ বজাত বঁটা বিতৰণী অনুষ্ঠান অনুষ্ঠিত কৰা হ'ব। পোন প্ৰথমবাৰৰ বাবে ওৰাং ৰাজহুৱা লক্ষী মন্দিৰ প্ৰাংগণত অনুষ্ঠিত হ'ব সুধাকণ্ঠ ড° ভূপেন হাজৰিকাৰ মৃত্যু দিৱস। অনাগত দিনত উঠি অহা নৱ প্ৰজন্মই যাতে মহান ব্যক্তিজনৰ আদৰ্শ, অৱদান আৰু সৃষ্টিৰাজি বজাই ৰাখে তাৰ বাবেই অনুষ্ঠানটো অনুষ্ঠিত কৰাৰ মূল উদ্দেশ্য বুলি জনাইছে উদ্যোগতা সকলে।