বঙাইগাঁও-চিৰাঙত উজলিল দুগৰাকীকৈ ছাত্ৰী

ডিজিটেল সংবাদ, বঙাইগাঁওঃ শনিবাৰে ঘোষিত হোৱা উচ্চতৰ মাধ্যমিক পৰীক্ষাৰ বিজ্ঞান শাখাত বঙাইগাঁও আৰু চিৰাং জিলাৰ দুগৰাকী ছাত্ৰীয়ে প্ৰথম দহটা স্থানৰ ভিতৰত স্থান লাভ কৰি জিলা দুখনলৈ গৌৰৱ কঢ়িয়াই আনিছে৷

ছাত্ৰী দুগৰাকী হ'ল চিৰাং জিলাখনৰ বি আৰ পি এল হাইস্কুলৰ নম্ৰতা নাথ আৰু বঙাইগাঁও হাইস্কুলৰ নিশিতা পাঠক৷ নম্ৰতাই ৪৭২ নম্বৰ লাভ কৰি ষষ্ঠ স্থান আৰু নিশিতাই ৪৬৮ নম্বৰ লাভ কৰি দশম স্থান অধিকাৰ কৰিবলৈ সক্ষম হৈছে৷