আশ্ৰয়দাতাৰ ঘৰতে লক্ষাধিক মূল্যৰ আ- অলংকাৰ চুৰি যুৱতীৰ…

ডিজিটেল সংবাদ, বজালী:- বজালীৰ এগৰাকী যুৱতীৰ জঘন্য চুৰি কাণ্ডই অবাক কৰিছে সকলোকে। আন ধৰ্মৰ যুৱকৰ লগত বিয়া হৈ অৱশেষত প্ৰতাৰণাৰ বলি হোৱা,মাতৃ গৃহৰ পৰা এলাগী হৈ এটা হৃদয়বান পৰিয়ালত থকাৰ দুদিন পিছতে যুৱতী গৰাকীয়ে যিদৰে পৰিয়লটোৰ চুৰি কাৰ্য সংঘটিত কৰিলে সিয়ে আপোনাক উপলব্ধি কৰিবলৈ বাধ্য কৰিব যে সহজে বিশ্বাসত ল'ব নালাগে অচিন ব্যক্তিক।

পাঠশালাৰ এগৰাকী ২২ বছৰীয়া যুৱতী গৰাকী ঘৰৰ অমতত আন ধৰ্মৰ যুৱকৰ সতে গুৱাহাটী লৈ পলাই গৈ প্ৰতাৰণাৰ বলি হৈছিল । গুৱাহাটীৰ পৰা ঘটনাৰ পৰিণতিত যুৱতী গৰাকী কাষ চাপিছিল পাঠশালাৰ আৰক্ষীৰ ওচৰত কিন্তু পৰৱৰ্তী সময়ত মাতৃ গৃহৰ পৰাও অৱহেলিত হৈ আশ্ৰয় হীনা হৈ পৰিছিল যুৱতী গৰাকী ।

তেনে ক্ষণতে ঘটনাৰ খবৰ পাই বজালীৰ বাঘমাৰাৰ এগৰাকী মানব দৰদী চিকিৎসক ডা: বিশাল জ্যোতি কলিতাই যুৱতী গৰাকীক ঘৰত পৰিচৰ্যাৰ বাবে লগতে আশ্ৰয় দিবলৈ লৈ আহিছিল কিন্তু দুদিন আশ্ৰয় লৈয়ে লক্ষাধিক টকা মূল্যৰ সোণ চুৰি কৰি পলাই যায় যুৱতী গৰাকীয়ে l

আশ্ৰয় হীনা যুৱতী গৰাকীক মানৱতাৰ খাতিৰতে আশ্ৰয় দিয়াৰ পিছত যুৱতী গৰাকীৰ এনে নিকৃষ্ট কাণ্ডই স্বাভাৱিকতে দুখ দিছে চিকিৎসক গৰাকীৰ পৰিয়ালৰ লগতে ৰাইজক।ইপিনে দুদিন পূৰ্বে বাঘমাৰাৰ চিকিৎসক গৰাকীৰ ঘৰৰ পৰা সোণৰ অলংকাৰ চুৰি কৰি যুৱতী গৰাকী পলাইছিল গুৱাহাটী অভিমুখে ।

তেতিয়া ঘটনাৰ প'ম খেদি বজালী আৰক্ষীয়ে ক্ষীপ্ৰতাৰে অভিযান চলাই চাংসাৰিত চলন্ত বাছৰ পৰা যুৱতী গৰাকীক আটক কৰে।সম্প্ৰতি বজালী আৰক্ষীয়ে সোণ খিনি উদ্ধাৰ কৰি যুৱতী গৰাকীক বৰপেটা জেল হাজোতলৈ প্ৰেৰণ কৰিছে।

আৰু পঢ়ক: পুনৰ বৃদ্ধি পেট্ৰ'ল-ডিজেলৰ মূল্য, গুৱাহাটীত আজিৰ দাম…

ত্ৰাস! নতুনকৈ ১৩,১৪৬ লোক আক্ৰান্ত কোৰোনাত…