এন আৰ চি পুনঃনিৰীক্ষণৰ নামত বাৰাম্বাৰ হাৰশাস্তি নচলিব : এবিএমছু

ডিজিটেল সংবাদ,কোকৰাঝাৰ: সদৌ বিটিচি সংখ্যালঘু ছাত্ৰ সন্থা চমুকৈ এবিএমছুৱে সংগঠনটোৰ সপ্তদশ বাৰ্ষিক কেন্দ্ৰীয় প্ৰতিষ্ঠা দিৱস দেওবাৰে দিনযোৰা কাৰ্যসূচীৰে কোকৰাঝাৰ সদৰ চহৰৰ নাতিদূৰৈৰ ভোটগাঁৱত উদযাপন কৰে ৷ কোকৰাঝাৰ জিলা সমিতিৰ উদ্যোগত আজি পুৱা ছাত্ৰ সংগঠনটোৰ ভোটগাঁৱস্থিত মুখ্য কাৰ্যালয়ত এবিএমছুৰ সাংগঠনিক পতাকা উত্তোলনেৰে প্ৰতিষ্ঠা দিৱসৰ কাৰ্যসূচীৰ শুভাৰম্ভ কৰে এবিএমছুৰ কেন্দ্ৰীয় সভাপতি আশ্ৰাফুল ইছলামে ৷

প্ৰতিষ্ঠা দিৱসৰ সতে সংগতি ৰাখি সমূহীয়া দোৱা আৰু বিয়লি মুকলি সভাও শংকৰ আজান ভৱনত অনুষ্ঠিত হয় ৷ এবিএমছুৰ কেন্দ্ৰীয় সভাপতি আশ্ৰাফুল ইছলামে পৰিচালনা কৰা উক্ত মুকলি সভাত এবিএমছুৰ প্ৰতিষ্ঠাপক সভাপতি মইনুল হক, এবিএমছুৰ সাধাৰন সম্পাদক টাইছন হুচেইন আৰু আমন্ত্ৰিত অতিথি হিচাপে নামনি অসম উকীল সন্থাৰ সভাপতি এন আই চৌধুৰী ,সদৌ ভাৰত ছাত্ৰ সন্থাৰ সভাপতি সুব্ৰত তালুকদাৰ আৰু কোকৰাঝাৰ ছোৱালী মহাবিদ্যালয়ৰ অধ্যক্ষ ড° আজিজুৰ ৰহমান, এবিএমছুৰ মুখ্য উপদেষ্টা জবান আকন্দ আৰু জিলা সভাপতি নজৰুল ইছলাম উপস্থিত থাকে ৷

অন্য খবৰ পঢ়ক: হাটশিঙিমাৰীত "শৈক্ষিক ভাৱনা" মাহেকীয়া আলোচনী শুভ উন্মোচন

ইপিনে সাংবাদিকৰ আগত এবিএমছুৰ সভাপতি আশ্ৰাফুল ইছলামে অসমত ধৰ্মীয় সংখ্যালঘু সম্প্ৰদায়ক সন্দেহজনক নাগৰিক বুলি তুচ্ছ তাচ্ছিল্য কৰি অৱমাননা কৰা কাৰ্যকলাপক কঠোৰ ভাষাৰে নিন্দা কৰে । নামনি অসমৰ ধুবুৰী জিলাত উগ্ৰ হিন্দুত্ববাদী নেতাই ১২ লাখ বাংলাদেশী থকা বুলি কৰা মন্তব্যৰ প্ৰতিক্ৰিয়া ব্যক্ত কৰি আশ্ৰাফুল ইছলামে এন আৰ চি আৰু ভাৰত বাংলাদেশ সীমা সুৰক্ষিত কৰিবলৈ আহ্বান জনায় ৷

আনহাতে কেন্দ্ৰীয় সাধাৰন সম্পাদক সম্পাদক টাইছন হুছেইনে বিজেপি আৰু প্ৰমোদ বড়ো নেতৃত্বাধীন বিটিচিৰ চৰকাৰখনকো ক্ষুৰধাৰ সমালোচনা কৰি প্ৰমোদ বড়োক জনগোষ্ঠীৰ আশা আকাংক্ষা পুৰণত সমূলি ব্যৰ্থ হোৱা বুলি মন্তব্য কৰি প্ৰমোদ বড়োক প্ৰতাৰক নেতা বুলি আখ্যা দিয়ে ৷

বিটিআৰ অঞ্চলৰ ভূমিৰ অধিকাৰ আৰু নিৰাপত্তা ব্যৱস্থা সুনিশ্চিত কৰিবলৈ এবিএমছু দৃঢ় প্ৰতিজ্ঞ আৰু ৰমজান মাহৰ পিছত তীব্ৰতৰ আন্দোলণত নমাৰ হুংকাৰ দিয়ে ৷ এন আৰ চিৰ পুনঃনিৰীক্ষণ কৰিলে সেয়া হব জনতাৰ ওপৰত কৰা বাৰাম্বাৰ হাৰশাস্তি আৰু সেয়া কোনোপধ্যে সহ্য কৰা নহব বুলি মন্তব্যৰে টাইছন হুছেইনে। উল্লেখ্য যে,এবিএমছুৰ কেন্দ্ৰীয় প্ৰতিষ্ঠা দিৱসৰ সতে সংগতি ৰাখি সন্ধিয়া সমুহীয়া ইফতাৰ ,পালন কৰে ছাত্ৰ সংগঠনটোৱে ।

আৰু পঢ়ক: বোকাখাতত বন্যহস্তীৰ সন্ত্ৰাস অব্যাহত…