জিটেল সংবাদ, তিনিচুকীয়াঃ চলিত হাইস্কুল শিক্ষান্ত পৰীক্ষাত সংঘটিত ব্যাপক বিসংগতি তথা প্ৰশ্নকাকত ফাদিলক কেন্দ্ৰ কৰি আছুৰ প্ৰতিবাদ। শুকুৰবাৰে তিনিচুকীয়া আঞ্চলিক ছাত্ৰ সন্থাই তিনিচুকীয়া থানা চাৰিআলিত বিক্ষোভ কাৰ্যসূচী ৰূপায়ণ কৰে ৷
প্ৰতিবাদকাৰীসকলে শিক্ষামন্ত্ৰী ডা০ ৰণোজ পেগু, ছেবাৰ অধ্যক্ষ ৰমেশ চন্দ্ৰ জৈন আৰু পৰীক্ষা নিয়ন্ত্ৰক নয়নজ্যোতি শৰ্মাৰ পুত্তলিকা দাহ কৰাৰ লগতে বিভিন্ন শ্ল'গান দি থানা চাৰিআলিৰ পৰিৱেশ উত্তপ্ত কৰি তোলে । প্ৰতিবাদী কাৰ্যসূচীৰ জৰিয়তে আছুৱে শিক্ষামন্ত্ৰী ডা০ ৰণোজ পেগু, ছেবাৰ অধ্যক্ষ ৰমেশ চন্দ্ৰ জৈন আৰু পৰীক্ষা নিয়ন্ত্ৰক নয়নজ্যোতি শৰ্মাৰ পদত্যাগৰ দাবী উত্থাপন কৰে ।
