মুখ্যমন্ত্ৰী হিমন্ত বিশ্ব শৰ্মাৰ ডাঙৰ এজেণ্ট হ’ল আজমল,নিৰ্বাচনৰ আগে আগে এই কাৰ্ড খেলেঃ আছু

মুখ্যমন্ত্ৰী হিমন্ত বিশ্ব শৰ্মাৰ ডাঙৰ এজেণ্ট হ’ল আজমল,নিৰ্বাচনৰ আগে আগে এই কাৰ্ড খেলেঃ আছু

ডিজিটেল সংবাদ, শিৱসাগৰঃ “মুখ্যমন্ত্ৰী হিমন্ত বিশ্বশৰ্মাৰ অন্যতম ৰাজনৈতিক এজেন্ট হ’ল বদৰউদ্দিন আজমল ৷ বিধানসভা নিৰ্বাচনেই  হওক বা লোকসভা নিৰ্বাচনে হওক, এই নিৰ্বাচন সমূহৰ প্ৰাকক্ষণত হিমন্ত বিশ্বশৰ্মাই এখন কাৰ্ড খেলে ৷ সেই কাৰ্ড হ’ল আজমল ” - এই মন্তব্য সদৌ অসম ছাত্ৰ সন্থাৰ সাধাৰণ সম্পাদক  শংকৰজ্যোতি বৰুৱাৰ ৷ বুধবাৰে শিৱসাগৰত আছু নেতা গৰাকীয়ে এই বিস্ফোৰক মন্তব্য কৰে ৷

আজি শিৱসাগৰলৈ অহা আছু নেতা শংকৰজ্যোতি বৰুৱাই আজমলৰ বক্তব্যৰ সন্দৰ্ভত সাংবাদিকৰ আগত প্ৰতিক্ৰিয়া ব্যক্ত কৰি কয় যে -  এ আই ইউ ডি এফৰ নেতা বদৰউদ্দিন আজমল মুখ্যমন্ত্ৰী হিমন্ত বিশ্বশৰ্মাৰ ডাঙৰ এজেণ্ট ৷ হিমন্ত বিশ্বশৰ্মাৰ এজেণ্ট হিচাপে আজমলে প্ৰতিটো নিৰ্বাচনত কাম কৰি আহিছে ৷ তেওঁ কয় মানুহৰ মাজত ধৰ্মীয় মেৰুকৰণ কৰাৰ বাবে  ভাৰতবৰ্ষৰ প্ৰেক্ষাপটত এজন ব্যক্তি আছে ৷ 

অসমৰ প্ৰেক্ষাপটতো এগৰাকী ব্যক্তি আছে ৷ অসমৰ  প্ৰেক্ষাপটত ধৰ্মীয় মেৰুকৰণেৰে ভোট বিভাজন কৰিবৰ কাৰণে মুখ্যমন্ত্ৰীৰ নিৰ্দেশত কাম কৰি থকা ডাঙৰ এজেণ্ট হ’ল আজমল ৷ যি গৰাকী আজমলে প্ৰতিটো নিৰ্বাচনৰ সময়ত হিন্দু- মুছলমানেৰে সাম্প্ৰদায়িকতাৰ বীজ সিচিব পৰা আগবঢ়াই ৷ কেতিয়াবা গামোচা পাৰি দোৱা কৰাৰ বিপৰীতে কেতিয়াবা চেলেং দলিয়াই দি সামাজিক বাতাবৰণ বিনষ্ট কৰাৰ প্ৰচেষ্টা চলায় ৷

আছু নেতা গৰাকীয়ে লগতে কয় কংগ্ৰেছটো তেওঁলোকৰ এজেণ্ট আছে ৷ এগৰাকী কংগ্ৰেছী বিধায়কে ইতিপূৰ্বে নামঘৰীয়াক ধৰ্ষণকাৰী বুলি কৈ সামাজিক বাতাবৰণ বিনষ্ট কৰিব বিচাৰিছে ৷ শংকৰজ্যোতি বৰুৱাই কয় এইবোৰ নতুন কথা নহয় ৷ অসমৰ মানুহে এতিয়া বুজা উচিত ৷ অসমৰ মানুহে বুজি পাব লাগিব যে নিৰ্বাচন অহাৰ লগে লগেই অসমৰ মুখ্যমন্ত্ৰী হিমন্ত বিশ্বশৰ্মাই আজমল নামৰ কাৰ্ডখন খেলে ৷ এই এজেণ্টৰ যোগেদি হিমন্ত বিশ্বশৰ্মাই হিন্দু মুছলমান কৰি ৰাজনীতিত আগবাঢ়িব বিচাৰে ৷

মুখ্যমন্ত্ৰী হিমন্ত বিশ্ব শৰ্মাৰ ডাঙৰ এজেণ্ট হ’ল আজমল,নিৰ্বাচনৰ আগে আগে এই কাৰ্ড খেলেঃ আছু
৭০ ৰাণত পৰাস্ত কৰি বিশ্বকাপৰ ফাইনেলত প্ৰৱেশ ভাৰতৰ, ছামীয়ে সংগ্ৰহ কৰিলে ৭ টাকৈ উইকেট

Related Stories

No stories found.
X
Code:
logo
Asomiya Pratidin
www.asomiyapratidin.in