মধুপুৰ সত্ৰত দৌল উৎসৱ পালন...

ডিজিটেল সংবাদ ধুবুৰীঃ অসমৰ বিভিন্ন সত্ৰৰ লগতে উত্তৰ বংগৰ কোচবিহাৰৰ মধুপুৰ সত্ৰত সত্ৰীয়া ৰীতি-নীতি আৰু পৰম্পৰাৰে দৌল উৎসৱ পালন কৰা হৈছে। সত্ৰ সমিতিৰ প্ৰচাৰ সম্পাদক যুগান্ত বায়নে জনোৱা মতে দৌল উপলক্ষে ৬ মাৰ্চৰ সন্ধিয়া সত্ৰৰ ভাৰপ্ৰাপ্ত সত্ৰাধিকাৰ পীতাম্বৰ ভকতে বন্তি প্ৰজ্বলন কৰি গোন্ধ পৰ্ব পালনৰ জৰিয়তে দৌল উৎসৱৰ পাতনি মেলা হয়।

আজি অৰ্থাৎ ৭ মাৰ্চত মদন-মোহনক দৌলত স্থাপন কৰি নাম প্ৰসংগ কৰা হয়। কাইলে মধুপুৰ সত্ৰত ৮ মাৰ্চত ৰং খেলাৰ লগতে ৯ মাৰ্চত ভক্তসকলৰ মাজত বোকা খেলেৰে হোলী উৎসৱ পালন কৰা হ'ব।