মোক বিজেপিয়ে কাৰাগাৰত ৰাখিলেও মই ওলাই আহিমঃ মমতা বেনাৰ্জী
ডিজিটেল ডেস্কঃ আগন্তুক নিৰ্বাচনত জয়লাভ কৰিবলৈ বিজেপিয়ে বিৰোধী নেতাসকলক কাৰাগাৰত বন্দী কৰি ৰাখিছে- এই মন্তব্য পশ্চিম বংগৰ মুখ্যমন্ত্ৰী মমতা বেনাৰ্জীৰ। ঝাৰখণ্ডৰ প্ৰাক্তন মুখ্যমন্ত্ৰী হেমন্ত চোৰেনত ধন ৰপ্তানিৰ গোচৰত ইডিয়ে গ্ৰেপ্তাৰ কৰাৰ পাছতে এই মন্তব্য কৰে বেনাৰ্জীয়ে।
নাদিয়া জিলাৰ শান্তিপুৰত এক ৰাজহুৱা কাৰ্যসূচীত ভাষণ দি বেনাৰ্জীয়ে কয় যে তেওঁক কাৰাগাৰৰ ভিতৰত ৰখা হ'লে তেওঁ ওলাই আহিব। তেওঁ কয়, আপুনি (বিজেপি) ভাৰতৰ সকলোকে ভয় খুৱাব পাৰে আৰু কাৰাগাৰত ৰাখিব পাৰে। মোকো কাৰাগাৰৰ ভিতৰত ৰাখিব পাৰে, কিন্তু ওলাই আহিম। বিজেপিয়ে কেৱল নিৰ্বাচনত জয়ী হ'বলৈ সকলোকে কাৰাগাৰত ৰাখিছে।
আগন্তুক লোকসভা নিৰ্বাচন সন্দৰ্ভত তেওঁ কয় যে, তৃণমূল কংগ্ৰেছে ইণ্ডিয়া মৰ্চাৰ লগত লৈ নিৰ্বাচনত প্ৰতিদ্বন্দ্বিতা কৰাৰ সিদ্ধান্ত গ্ৰহণ কৰিছিল। কিন্তু কংগ্ৰেছে তেওঁলোকৰ প্ৰস্তাৱ নাকচ কৰিছিল। যাৰ বাবে তৃণমূল কংগ্ৰেছে অকলেই নিৰ্বাচনত প্ৰতিদ্বন্দ্বিতা আগবঢ়াব।
আনহাতে কেন্দ্ৰই বিভিন্ন আঁচনিৰ অধীনত ৰাজ্যখনৰ বাবে পুঁজি মুকলি নকৰাৰ অভিযোগ উত্থাপন কৰি বেনাৰ্জীয়ে কয় যে শুক্ৰবাৰৰ পৰা তেওঁ কলকাতাত ধৰ্ণা কাৰ্যসূচী অনুষ্ঠিত কৰিব। তাৰ পিছত দলটোৰ বিভিন্ন গোটে এই পুঁজি মুকলি নোহোৱা পৰ্যন্ত এই প্ৰতিবাদী কাৰ্যসূচী অব্যাহত ৰাখিব।