বাধ্যতামূলক হ’ব মহানগৰীৰ ব্যৱসায়ীক প্ৰতিষ্ঠানৰ সন্মুখত ডাষ্টবিন ৰখাটো...

ডিজিটেল ডেস্কঃ এতিয়াৰে পৰা দোকান, ব্যৱসায়ীক প্ৰতিষ্ঠানসমূহক দিয়া নহ’ব মহানগৰখনক লেতেৰা কৰিবলৈ ৷ মহানগৰ খনক অধিক পৰিষ্কাৰ , পৰিচন্ন কৰি ৰখাৰ ক্ষেত্ৰত শেহতীয়াকৈ গুৱাহাটী পৌৰ নিগমে এক গুৰুত্বপূৰ্ণ সিদ্ধান্ত গ্ৰহণ কৰিছে ৷

এতিয়াৰে পৰা ব্যৱসায়িক প্ৰতিষ্ঠানসমূহে নিজৰ দোকান তথা ব্যৱসায়ীক প্ৰতিষ্ঠানৰ সন্মুখত ৰাখিব লাগিব ডাষ্টবিন ৷প্ৰতিখন দোকান আৰু ব্যৱয়াসিক প্ৰতিষ্ঠানৰ বাবে এয়া বাধ্যতামূলক কৰিছে পৌৰ নিগমে ৷ এই নিয়ম উলংঘা কৰিলেই বিহা হ’ব জৰিমনা ৷

অন্যথা মহানগৰ খনক কদৰ্যময় কৰি তুলাৰ ক্ষেত্ৰত দোকান-পোহাৰ সমূহেও দীৰ্ঘদিনে অৰিহণা যোগাই আহিছে ৷ পৌৰ নিগমৰ এনে সিদ্ধান্তই মহানগৰৰ স্বচ্চ তথা সুন্দৰ পৰিৱেশ গঢ় দিয়াৰ ক্ষেত্ৰত সহায় কৰিব ৷ পৌৰ নিগমৰ এনে সিদ্ধান্তক মহানগৰীৰ প্ৰতিগৰাকী সচেতন ব্যক্তিয়ে আদৰণি জনাইছে ৷