বনকৰা যুৱকে মৰিয়াই মৰিয়াই হত্যা কৰিলে ঘৰৰ মালিকক...

ডিজিটেল ডেস্কঃ তেজপুৰৰ পৰা পোহৰলৈ আহিছে এক চাঞ্চল্যকৰ ঘটনা। তেজপুৰৰ বাম বেছেৰীয়াৰ মালিজান চাহ বাগিচাত সংঘটিত হৈছে এক নৃশংস হত্যাকাণ্ড। বনকৰা যুৱকে মৰিয়াই মৰিয়াই হত্যা কৰিলে ঘৰৰ মালিকক।

ঘৰৰ মালিকৰ নাম উপেন নাথ বুলি জানিব পৰা গৈছে। আনহাতে বনকৰা যুৱক ধীৰেন তাঁতীৰ বিৰুদ্ধে উত্থাপন হৈছে হত্যাৰ অভিযোগ। কি কাৰণে এই হত্যাকাণ্ড সংঘটিত হয় বৰ্তমান পৰ্যন্ত জানিব পৰা হোৱা নাই।

জানিব পৰা মতে, ঘটনা সংঘটিত কৰিয়েই পলায়ন কৰিছিল অভিযুক্ত ধীৰেণ তাঁতীয়ে। ঘটনা সন্দৰ্ভত ইতিমধ্যে আৰক্ষীয়ে তদন্ত আৰম্ভ কৰিছে। পৰৱৰ্তী সময়তহে পোহৰলৈ আহিব ঘটনাৰ সৱিশেষ।