চৰাইদেউ মথুৰাপুৰ ব’হাগী উৎসৱৰ লাইখুঁটা স্থাপন ...

ডিজিটেল সংবাদ, মথুৰাপুৰঃ চৰাইদেউ জিলাৰ বৃহত্তৰ মথুৰাপুৰবাসী ৰাইজৰ সন্মিলিত প্ৰচেষ্টাত অনুষ্ঠিত হ’বলগীয়া চতুৰ্দশ বাৰ্ষিক ব’হাগী উৎসৱৰ শুকুৰবাৰে মূল মণ্ডপৰ লাইখুঁটা স্থাপন কৰা হয় ৷

দুদিনীয়া বৰ্ণাঢ্য কাৰ্যসূচীৰে অহা ১১ আৰু ১২ মে’ত মথুৰাপুৰ ৰাজহুৱা খেলপথাৰত অনুষ্ঠিত হ’বলগীয়া সন্মিলনখনি আজি অনুষ্ঠানিকভাৱে স্হাপন কৰে উদযাপন সমিতিৰ সভাপতি জীতেন ৰাজকোঁৱৰে ৷

লাইখুঁটা স্থাপন অনুষ্ঠানত সম্পাদক জিন্টু গগৈক উদযাপন সমিতিৰ বিষয়ববীয়া সকল উপস্থিত থাকে ৷ বিহুৰ কাৰ্যসূচী অনুসৰি প্ৰথম দিনা বিহুৱান উত্তোলন, স্মৃতি তৰ্পণ, আৰু বৃক্ষৰোপণৰ পিছতেই বিহুৱান, চিত্ৰাংকন, ৰচনা আৰু কবিতা আবৃত্তি প্ৰতিযোগিতা অনুষ্ঠিত হব ৷

সন্ধিয়ালৈ আমন্ত্ৰিত হুঁচৰি আৰু জেংবিহু দলে বিহু প্ৰদৰ্শন কৰিব ৷ বিহুৰ দুয়োদিনৰ কাৰ্য্যসূচীত ৰাইজৰ সহযোগিতা কামনা কৰিছে উদ্যোক্তাই ৷