অৱশেষত চাওমিন কাণ্ডৰ অভিযুক্ত ৰাজু হোটেলৰ স্বত্বাধিকাৰী প্ৰতাপ দাসক গ্ৰেপ্তাৰ ...

ডিজিটেল সংবাদ, হাওৰাঘাটঃ অৱশেষত হাওৰাঘাটৰ চাওমিন কাণ্ডৰ অভিযুক্ত ৰাজু হোটেলৰ স্বত্বাধিকাৰী প্ৰতাপ দাসক মঙলবাৰে আৰক্ষীয়ে নগাঁৱৰ পৰা গ্ৰেপ্তাৰ কৰিছে । উল্লেখ্য যে হাওৰাঘাটত ২৮ মাৰ্চত চাওমিন খাই মুঠ ১২ জন লোক বিষক্ৰিয়াত আক্ৰান্ত হৈ গুৰুতৰভাৱে অসুস্থ হৈ পৰিছিল।

হাওৰাঘাট শংকৰদেৱ বিদ্যা নিকেতনৰ পাঁচজন ছাত্ৰ আৰু সাতজন শিক্ষক-শিক্ষয়িত্ৰী, লগতে শিক্ষাকৰ্মী অসুস্থ হৈ পৰি পৰিছিল । তেওঁলোকক ততাতৈয়াকৈ হাওৰাঘাট চৰকাৰী হাস্পাতালত ভৰ্তি কৰা হৈছিল যদিও পিছলৈ নগাঁও আৰু গুৱাহাটী লৈ নি চিকিৎসা কৰোৱা হৈছিল ।

কিন্তু মৃত্যুৰ সতে যুঁজি যুঁজি হাওৰাঘাট শংকৰদেৱ বিদ্যা নিকেতন ছাত্ৰ তথা হাওৰাঘাটৰ ১ নং ৱাৰ্ডৰ দন বৰাৰ পুত্ৰ তন্ময় বৰাৰ মৃত্যু হয় । ছাত্ৰজনৰ মৃত্যুত অঞ্চলটোত শোকৰ ছাঁ পৰিছে ।