একেদিনাই চন্দ্ৰগ্ৰহণ আৰু বুদ্ধ পূৰ্ণিমা মহাসংযোগ, কোনটোত অধিক গুৰুত্ব দিব? জ্যোতিষ শাস্ত্ৰই কি কয়?
ডিজিটেল ডেস্কঃ শুকুৰবাৰে এক বিৰল দিন । একেদিনাই চন্দ্ৰগ্ৰহণ আৰু বুদ্ধ পূৰ্ণিমা মহাসংযোগ । আজিৰ দিনটোত ১৩০ বছৰৰ পিছত বুদ্ধ পূৰ্ণিমাত লাগিব চন্দ্ৰগ্ৰহণ । এই লৈ দেশবাসী উৎসাহিত হৈ আছে ।
বুদ্ধ পূৰ্ণিমা ৪ মে’ৰ নিশা ১১ বাজি ৪৪ মিনিটত আৰম্ভ হৈছে । আৰু ৫ মে’ৰ নিশা ১১ বাজি ৪ ছেকেণ্ডত সমাপ্তি হ’ব । বহাগ পূৰ্ণিমাৰ দিনাখন গৌতম বুদ্ধৰ জন্ম হৈছিল । বুদ্ধৰ জন্ম দিনটোত পালন কৰা হয় ‘বুদ্ধ পূৰ্ণিমা’ বা বৈশাখ পূৰ্ণিমাৰ ।
ইয়াৰ বিপৰীতে ২০২৩ বৰ্ষৰ চন্দ্ৰগ্ৰহণো লাগিব আজিৰ দিনটোতে । নিশা ৮:৪৫ বজাৰ পৰা আৰম্ভ হৈ গ্ৰহণৰ অন্ত পৰিব ১:০০ বজাত ।
একে দিনতে চন্দ্ৰগ্ৰহণ আৰু বুদ্ধ পূৰ্ণিমা পৰিলেও কিন্তু ভাৰতত চন্দ্ৰগ্ৰহণৰ প্ৰভাব নপৰিব বুলি জোতিষীয়ে জনাইছে ।
দেশবাসীয়ে এইবাৰ দেখিবলৈ নাপাব চন্দ্ৰগ্ৰহণ । ইয়াৰ বিপৰীতে ইউৰোপ, এছিয়া, অষ্ট্ৰেলিয়া, আফ্ৰিকা, এন্টাৰ্কটিকাকে ধৰি বিভিন্ন স্থানত গ্ৰহণৰ পৰিব প্ৰভাব ।