কাজিৰঙাৰ নৈসৰ্গিক দৃশ্য উপভোগ কৰি অভিভূত হৈ পৰিল বিদেশী পৰ্যটক
ডিজিটেল সংবাদ, কাজিৰঙাঃ কাজিৰঙাৰ নৈসৰ্গিক দৃশ্য উপভোগ কৰি অভিভূত হৈ পৰিল তিনি ইজৰাইলী পৰ্যটক ৷ভাৰতৰ বিভিন্ন প্ৰান্ত ভ্ৰমন কৰি কাজিৰঙাত উপস্থিত হোৱা পৰ্যটক তিনিগৰাকীয়ে বৃহস্পতিবাৰে জীপ ছাফাৰী কৰে কহঁৰা বনাঞ্চলত ৷
কাজিৰঙাক প্ৰশংসাৰে উপচাই বিদেশী পৰ্যটক কেইগৰাকীৰ মন্তব্য যে কাজিৰঙাৰ সুন্দৰতা তেঁওলোকৰ বাবে আছিল সপোনৰো অগোচৰ ৷বন্যপ্ৰাণী সংৰক্ষণৰ বাবে অসম চৰকাৰে লোৱা ভূমিকাক বিদেশী পৰ্যটক কেইগৰাকীয়ে শলাগ লোৱাৰ লগতে মিহিমুখত গঁড়ৰ খৰ্গৰ ছাঁইৰে গঁড়ৰ প্ৰতিমূৰ্তি নিৰ্মাণৰ পৰিকল্পনাক প্ৰশংসনীয় পদক্ষেপ বুলি অভিহিত কৰে পৰ্যটক সকলে ৷
উল্লেখযোগ্য যে বৃহস্পতিবাৰে হাতী ছাফাৰী বন্ধ হোৱাৰ পাছত অহা ১৫ মে'ত অন্ত পৰিব কাজিৰঙাৰ ২০২২-২৩ পৰ্যটন বৰ্ষ ৷ পৰ্যটকৰ আগমনেৰে অভিলেখৰ সৃষ্টি কৰি পৰ্যটন বৰ্ষৰ সমাপ্তিৰ প্ৰাকক্ষনতো কাজিৰঙালৈ আগমন হৈছে দেশী বিদেশী পৰ্যটকৰ৷ কাজিৰঙা ভ্ৰমনৰ স্মৃতি বুকুত বান্ধি ঘৰমুৱা হোৱা পৰ্যটকে দি গৈছে পুনৰ অহাৰ প্ৰতিশ্ৰুতি ৷