গুৱাহাটী বিশ্ববিদ্যালয়ৰ ইংৰাজী বিভাগৰ উদ্যোগত হোমেন বৰগোহাঞি স্মাৰক বক্তৃতানুষ্ঠান...
ডিজিটেল ডেস্ক : গুৱাহাটী বিশ্ববিদ্যালয়ৰ ইংৰাজী বিভাগৰ উদ্যোগত বৃহস্পতিবাৰে বিশ্ববিদ্যালয়খনত প্ৰথম বাৰ্ষিক হোমেন বৰগোহাঞিৰ স্মাৰক বক্তৃতাৰ আয়োজন কৰা হয়। বক্তৃতা অনুষ্ঠানটি অধ্যাপক প্ৰদীপ্তা বৰগোহাঁইৰ দ্বাৰা পৃষ্ঠপোষকতা কৰা হৈছিল।
উক্ত বক্তৃতা অনুষ্ঠানটি গুৱাহাটী বিশ্ববিদ্যালয়ৰ পানীধৰ দত্ত চেমিনাৰ হলত অনুষ্ঠিত হৈছিল আৰু অনুষ্ঠানত অসমৰ বহু বিশিষ্ট বুদ্ধিজীৱী, বিশ্ববিদ্যালয় আৰু মহাবিদ্যালয়ৰ অধ্যাপক-অধ্যাপিকা, গৱেষণা পণ্ডিত আৰু স্নাতকোত্তৰ শিক্ষাৰ্থী উপস্থিত আছিল।
অনুষ্ঠানত অধ্যাপক গোবিন্দ প্ৰসাদ শৰ্মাই "হোমেন বৰগোহাঞিৰ কল্পকাহিনী আৰু চিন্তাকৰ্ষণ" শীৰ্ষক বক্তৃতা প্ৰদান কৰে। এই অনুষ্ঠানতে অসমৰ সাহিত্যক্ষেত্ৰৰ এগৰাকী শক্তিশালী ব্যক্তি দেৱব্ৰত দাসক তেওঁৰ সাহিত্যিক অৱদানৰ বাবে বিশেষভাৱে সম্বৰ্ধনা জনোৱা হয়।
অনুষ্ঠানটোত সভাপতিত্ব কৰে ইংৰাজী বিভাগৰ ডিন ফেকাল্টি অফ আৰ্টচ এণ্ড হেড অধ্যাপক বিবাশ চৌধুৰীয়ে। তেওঁ উল্লেখ কৰে যে হোমেন বৰগোঁহাঞিৰ মৃত্যু প্ৰথম বাৰ্ষিকী উপলক্ষে এই বক্তৃতা অনুষ্ঠানৰ আয়োজন কৰা হৈছে।
গুৱাহাটী বিশ্ববিদ্যালয়ৰ উপাচাৰ্য অধ্যাপক প্ৰতাপ জ্যোতি সন্দিকৈয়ে অনুষ্ঠানটো উদ্বোধন কৰে আৰু উদ্বোধনী ভাষণ প্ৰদান কৰে। তেওঁ ভাষণত ৭০ আৰু ৮০ ৰ দশকত হোমেন বৰগোহাঞিৰ সৈতে তেওঁৰ সম্পৰ্কৰ কথা ব্যক্ত কৰে। উদ্বোধনী ভাষণৰ পিছত বিশাল কাল্পনিক গদ্যৰ বাবে বিখ্যাত দেৱব্ৰত দাসক সাহিত্যিক সম্বৰ্ধনা প্ৰদান কৰা হয়।