কাজিৰঙাৰ গড় হত্যাকলৈ আৰক্ষী সঞ্চালক প্ৰধান জি পি সিঙৰ উপস্থিতিত উচ্চস্তৰীয় বৈঠক...

ডিজিটেল সংবাদ, কাজিৰঙাঃ আৰক্ষী সঞ্চালক প্ৰধান জি পি সিঙৰ উপস্থিতিত বুধবাৰে কাজিৰঙাত এক উচ্চস্তৰীয় বৈঠক অনুষ্ঠিত হয় । বৈঠকত মাজুলী গোলাঘাট নগাওঁ বিশ্বনাথ শোনিতপুৰ জিলাৰ আৰক্ষী অধিক্ষক আৰু বন বিভাগৰ উচ্চপদস্থ বিষয়াই অংশগ্ৰহণ কৰে ।

বৈঠকত কাজিৰঙাত সংঘটিত গঁড় হত্যাৰ সন্দৰ্ভত বিশেষ আলোচনা অনুষ্ঠিত হয় । বৈঠকৰ পাছত সঞ্চালকগৰাকীয়ে সাংবাদিকৰ আগত প্ৰকাশ কৰে যে মাৰ্চ মাহৰ ১৬ বা ১৭ তাৰিখে সংঘটিত হৈছিল গঁড় হত্যা ৷ ইতিমধ্যে গঁড় হত্যাৰ ক্লু পোৱা হৈছে । চোৰাং চিকাৰীৰ বিৰুদ্ধে কঠোৰতম ব্যৱস্থা লোৱাৰ বাবে দৃঢ়প্ৰতিজ্ঞ । ভিতৰুৱা দুৰ্গম অঞ্চল হোৱা বাবে বন বিভাগে খৱৰ পোৱাত পলম হৈছে ।

লগতে তেওঁ কয় মাছমৰীয়াৰ বেশত অহা চোৰাং চিকাৰীৰ সন্দৰ্ভত আলোচনা হৈছে । অৱশ্যে মাছমৰীয়াসকলেও মাছ মাৰিয়ে জীৱিকা আহৰণ কৰি আহিছে বহু দিনৰে পৰা ।