দৰং জিলা ছাত্ৰ সন্থাৰ “কা” বিৰোধী জোৰ সমদলঃ সংবাদ মেল সম্বোধন...

ডিজিটেল সংবাদ মঙলদৈঃ মঙলদৈত দৰং জিলা ছাত্ৰ সন্থাৰ “কা” বিৰোধী জোৰ সমদল৷ ৩০ টা জনগোষ্ঠীয় সংগঠনৰ যৌথ প্ৰতিবাদ৷ এই সংবাদ মেলতে সংগঠনটোৰ ফালৰ পৰা কয় যে, “কা” আইন বাতিল নোহোৱালৈ চলি থাকিব গণতান্ত্ৰিক আন্দোলন৷

মঙলদৈত মঙ্গলবাৰে দৰং জিলা ছাত্ৰ সন্থা আৰু ৩০ টা জনগোষ্ঠীয় সংগঠনে যৌথ “কা” বিৰোধী জোৰ সমদল উলিয়াই ৷ দৰং জিলা ছাত্ৰ সন্থাৰ নেতৃত্বত উলিওৱা জোৰ সমদলক বাধা প্ৰদান কৰে দৰং আৰক্ষীয়ে ৷

মঙলদৈ শ্বহীদ ভৱনৰ পৰা উলিওৱা সমদলক আৱদ্ধ কৰে আৰক্ষীয়ে ৷ সদৌ অসম ছাত্ৰ সন্থাৰ উপ-সভাপতি খনিন্দ্ৰ ৰাজবংশীয়ে আৰক্ষীৰ এনে বাধাক স্বৈৰাচাৰী আখ্যা দিয়ে।

মুখ্যমন্ত্ৰী হিমন্ত বিশ্ব শৰ্মা আৰু আৰক্ষী সঞ্চালক প্ৰধান দুয়োগৰাকীয়ে হিটলাৰী শাসন চলোৱাৰ অভিযোগ ৩০ টা জনগোষ্ঠীয় সংগঠনৰ৷ প্ৰতিবাদৰ সময়ছোৱাত নৰেন্দ্ৰ মোদী হায় হায়, হিমন্ত বিশ্ব শৰ্মা হায় হায়, কেন্দ্ৰীয় গৃহ মন্ত্ৰী অমিত শ্বাহ হায় হায় আদি প্ৰতিবাদী শ্লোগানেৰে সমগ্ৰ পৰিবেশ উত্তাল কৰি তোলে ৷