ধেমাজি ৰাজহুৱা প্ৰেক্ষাগৃহত শ্ৰমিক কল্যাণ দিৱস উদযাপন...

ডিজিটেল সংবাদ , ধেমাজিঃ চাহ শ্ৰমিক নেতা শ্বহীদ সন্তোষ তপ্ন দেৱৰ  জন্ম দিনৰ উপলক্ষে শনিবাৰে ধেমাজি জিলা শ্ৰম বিভাগৰ উদ্যোগত ধেমাজি ৰাজহুৱা   প্ৰেক্ষাগৃহত শ্ৰমিক কল্যান দিৱস পালন কৰা হয় ৷পুৱা শ্বহীদ গৰাকীৰ প্ৰতিছৱিত মাল্যপৰ্ণ আৰু বন্তি প্ৰজ্বলন কৰি কাৰ্যসূচী আৰম্ভ কৰে জিলা শ্ৰম বিষয়া ড° ভৱজিৎ দলেই ৷ইয়াৰ পিছতেই অনুষ্ঠিত কৰা সভাত ধেমাজি জিলা আয়ুক্তৰ উপস্থিতিত  শ্ৰমিকৰ পৰিয়ালৰ  সন্তানৰ কৃতিত্ব আৰু বিভিন্ন চৰকাৰী আঁচনিৰ শিতানত হিতাধিকাৰীৰ মাজত চেক বিতৰণ কৰা হয় ৷ সভাত জিলা শ্ৰম  বিষয়া  ড° ভৱজিৎ দলেই শ্ৰমিকসকলক নিজৰ পাপ্য অধিকাৰ সাৱ্যস্ত কৰিবলৈ আহ্বান জনায় ।

তেওঁ কয় ’ চৰকাৰে শ্ৰমিকৰ কল্যানৰ হকে চৰকাৰে কেতবোৰ আঁচনি গ্ৰহন কৰিছে ৷গোগামুখত  চৰকাৰী ভাৱে এল এণ্ড টি  উদ্যোগত দক্ষতা বিকাশ ৰ বাবে প্ৰশিক্ষণ দি থকা হৈছে যদিও জিলাখনৰ শ্ৰমিক সকলৰ মাজত সজাগতা অভাৱ ৷ সেয়ে সকলোৱে আগবাঢ়ি আহিব লাগে প্ৰয়োজনত মই নিজে গৈ পঞ্জীয়ন কৰি আহিম ৷ সভাত ধেমাজি জিলা আয়ুক্ত  ৰাহুল সুৰেশ জাভীৰে  শ্ৰমিকসকলক শুভেচ্ছা জনাই ই- শ্ৰম পৰ্টেলত  নাম  পঞ্জীয়ণ কৰি  চৰকাৰী সুবিধা আদায় কৰিবলৈ আহ্বান জনায় আৰু জিলাখনৰ শ্ৰমিক সকলৰ  সৈতে একগোট হৈ  সঘনাই  সভা সমিতি অনুষ্ঠিত কৰি খা-খৱৰ লৈ থাকিবলৈ জিলা শ্ৰম বিষয়াক পৰামৰ্শ দিয়ে ৷

সভাত ডায়েটৰ শিক্ষক ইন্দ্ৰজিৎ গামে শ্ৰমিক কল্যান দিৱসৰ তাৎপৰ্য ওপৰত  ভাষণ  আগবঢ়ায় ৷ ধেমাজি প্ৰেছ ক্লাৱৰ সম্পাদক প্ৰদূণ্য ভৰালীয়ে সভাত উপস্থিত থাকি  চাহ শ্ৰমিকৰ নেতা প্ৰয়াত সন্তোষ তপ্ন দেৱৰ জন্ম উপলক্ষে আয়োজিত  বিশেষ দিনটো শ্ৰমিকৰ মৰ্যাদা ,অধিকাৰ আৰু পাপ্যৰ বাবে সংকল্প লোৱা দিন ৷ যি গৰাকী মহান নেতাৰ বলিষ্ঠ ভূমিকা আছিল চাহ জনগোষ্ঠীৰটোৰ আৰ্থ সামাজিক আৰু সাংস্কৃতিক দিশ উত্তৰণৰ ক্ষেত্ৰত ।

দেশ নিৰ্মাণত শ্ৰমিকে হৈছে চালিকা শক্তি ৷কিন্তু সজাগতাৰ অভাৱত আজিও বহুতো শ্ৰমিকৰ পৰিয়াল শোষিত বঞ্চিত আৰু অৱহেলিত হৈ আছে৷ চৰকাৰে আচঁনি ৰূপায়ণ কৰিলেও স্পৰ্শ কৰা নাই একাংশ শ্ৰমিকক । সেয়ে সজাগতাৰ জৰিয়তে নিজৰ পাপ্য অধিকাৰ সাৱ্যস্ত কৰিবলৈ প্ৰেছ ক্লাৱৰ সম্পাদক গৰাকীয়ে আহ্বান  জনায় ৷

উল্লেখ্য যে আজি সভাতে  ধেমাজি জিলাখনৰ মুঠ ছয় হেজাৰ গৰাকীৰ  ভিতৰত দহ জনক  স্কুলাৰশ্বীপৰ চেক, মৃত্যু হোৱা শ্ৰমিকৰ পৰিয়ালক  মুঠ ৯৯গৰাকীক চেক , পেঞ্চন ১৭৫জনক আৰু প্ৰসুতিকালীন সুবিধাৰ চেক এগৰাকীক দিয়া হৈছে ৷ সভাত বিশিষ্ট অতিথি হিচাপে  ধেমাজি নগৰ ব্যৱসায় সন্হাৰ সম্পাদক ৰানা দেউৰী, সাংবাদিক অসীম দত্ত,এন এইচ পি চিৰ  চোমা কোম্পানীৰ এচ.কে হালদাৰ, ধেমাজিৰ প্ৰশান্ত চাংমাই , অংকিত প্ৰসাদ আৰু অসম গৃহ আৰু অন্যান্য নিৰ্মাণ কল্যান পৰিষদৰ স্কুটিনী সমিতিৰ সদস্য ক্ৰমে প্ৰবীন গগৈ ,বিশ্বজিৎ মেহেংগীয়া আৰু কংকণজ্যোতি ভূঁঞাই  উপস্থিত থকাৰ লগতে  জিলাখনৰ জোনাই , গোগামুখ , চিলাপথাৰ , ধেমাজি আদি বিভিন্ন প্ৰান্তৰ পৰা শ্ৰমিকৰ সংগঠনৰ নেতৃত্ব আৰু শ্ৰমিক ৰাইজ উপস্থিত থাকে ৷