ডিজিটেল ডেস্কঃ শেহতীয়াকৈ প্ৰকাশ হোৱা সমীক্ষাৰ মতে 'টাইগাৰ ষ্টেট' বুলি জনাজাত মধ্য প্ৰদেশ বাঘৰ মৃত্যুৰ ক্ষেত্ৰত দেশৰ ভিতৰতে প্ৰথম স্থানত থকা বিষয়টোৱে চৰ্চা লাভ কৰিছে।বিগত ৮ মাহত ৰাজ্যখনত ৩১ টা বাঘে প্ৰাণ হেৰুৱাইছে। ইয়াৰ ভিতৰত একাংশ বাঘ চিকাৰীয়ে হত্যা কৰিছে আৰু আন একাংশ বাঘৰ প্ৰাকৃতিকভাৱে মৃত্যু হৈছে।
ৰাজ্যখনত টাইগাৰ ৰিজাৰ্ভ অঞ্চলত এই সময়ছোৱাত সৰ্বাধিক ১৮ জন লোকৰ মৃত্যু হোৱাৰ খবৰ প্ৰাকাশ পাইছে। শেহতীয়াকৈ, ৰতপানী সংৰক্ষিত বনাঞ্চলত ২ টা বাঘৰ মৃতদেহো পোৱা গৈছে। ইফালে ৰাজ্যখনত বিগত ৬ বছৰত মৃত্যু হৈছে ১৭০ টা বাঘ।
ৰাজ্যখনত এইদৰে বাঘৰ মৃত্যুৰ ক্ষেত্ৰত উদ্যান পৰিচালনাৰ পদ্ধতিৰ ওপৰত প্ৰশ্ন উত্থাপন কৰা হৈছে। বন্যপ্ৰাণী প্ৰেমীসকলে বাঘৰ মৃত্যুৰ বাবে ব্যাঘ্ৰ সংৰক্ষিত অঞ্চলত একাংশ অনভিজ্ঞা আৰু দায়িত্বহীন বিষয়া নিযুক্তিৰ ব্যৱস্থাকে দোষাৰোপ কৰিছে।
পি চি চি এফৰ কৰ্মী আলোক কুমাৰে কয় যে, বাঘৰ সংখ্যা দ্ৰুতগতিত বৃদ্ধি পাইছে, যাৰ ফলত বাঘৰ মাজত সংঘৰ্ষ হৈছে। ইয়াৰে দুৰ্বল বাঘ আঘাতপ্ৰাপ্ত হয় ফলস্বৰূপে সেই অঞ্চলটো এৰি যায় নতুবা মৃত্যু হয়। এয়া স্বাভাৱিক।
উল্লেখ্যে যে, পান্না টাইগাৰ ৰিজাৰ্ভ ২০০৯ চনৰ ফেব্ৰুৱাৰীত বাঘবিহীন হৈ পৰিছিল। ইয়াত, বাঘৰ সংখ্যা বৃদ্ধি কৰিবলৈ বাঘ আৰু বাঘৰ দুটা পৃথক ভাণ্ডাৰৰ পৰা স্থানান্তৰ কৰা হৈছিল। প্ৰায় আঢ়ৈ বছৰৰ পিছত, এপ্ৰিল ২০১২ ত, এটা বাঘিনীয়ে অৰণ্যত ৪ টা পোৱালী জন্ম দিছিল। তাৰ পিছত, ইয়াত বাঘৰ সংখ্যা বাঢ়ি গৈ থাকিল। বৰ্তমান, পান্নাত ৩১ টা বাঘ আছে।
উল্লেখ্য যে, বাঘৰ মৃত্যুৰ ফালৰ পৰা দ্বিতীয় স্থানত আছে মহাৰাষ্ট্ৰ। ৰাজ্যখনত বিগত ৮ মাহত ২১ টা বাঘৰ মৃত্যু হৈছে। একেদৰে কৰ্ণাটকত ১৩ টা, কেৰালা আৰু অসমত ৫ টাকৈ বাঘৰ মৃত্যু হৈছে।
