শেহতীয়া খবৰ
তিহাৰ জেলতে পি চিদাম্বৰমৰ ৭৪ সংখ্যক জন্মদিন পালন, টুইটাৰত কলেঃ সংকটৰ দিশে দেশ, ভগৱানে ৰক্ষা কৰক...  •  কোকৰাঝাৰত ৰে'লৰ খুন্দাত গৃহৰক্ষী জোৱান নিহত...  •  কলাগুৰু বিষ্ণু ৰাভা স্নাতক মহাবিদ্যালয়ত আছুৰ উদ্যোগত "এজন ছাত্ৰ এজোপা গছপুলি " শীৰ্ষক ব্যতিক্ৰমী অভিযান...  •  পূজাৰ অফাৰ, নতুন গাড়ী, আৰ্থিক মন্দাৱস্থা ইত্যাদি...  •  মেঘালয়ত পুনৰ ২ জন অবৈধ নাইজেৰিয়ানক গ্ৰেপ্তাৰ..  •  ৰাষ্ট্ৰীয় শক্তি উত্তোলনত অসমৰ ৪ টা স্বৰ্ণ জয়...  •  ৰিহণ দৈমাৰীৰ সপোন পূৰণ নহ’ল! আঁতৰিব ফলক, মুখ্যমন্ত্ৰীয়েহে উদ্বোধন কৰিব জনস্বাস্থ্য বিভাগৰ নৱনিৰ্মিত ভৱন...  •  দিছপুৰ প্ৰেছ ক্লাৱত বিশ্বকৰ্মা পূজাৰ আয়োজন..  •  বিশিষ্ট শিক্ষাবিদ প্ৰয়াত ডিম্বেশ্বৰ চৌধুৰীৰ সোঁৱৰণত স্মৃতিগ্ৰন্থ উন্মোচন…  •  ওদালগুৰিত পৰকীয়া প্ৰেমৰ নৃশংস পৰিণতি, মাতৃয়ে ডিঙি চেপি হত্যা কৰি জংঘলত দলিয়ালে ২১ মহীয়া কন্যা সন্তানক....

মুম্বাইৰ গলিৰ পৰা বিশ্বৰ বুকুলৈ যাত্ৰা… ডাঙৰ হ’লে ৰজনীকান্তৰ দৰে অভিনেতা হ’ব খোজে চানীয়ে

214

ডিজিটেল ডেস্কঃ মুম্বাইৰ গলিত জন্মিলও সপোন তাৰ উৰ্ধ্বত। দৰিদ্ৰতাৰ মাজতো নিজৰ প্ৰতিভা আৰু দক্ষতাৰ বলত আজি সমগ্ৰ বিশ্বৰ মাজত পৰিচিতি লাভ কৰিবলৈ সক্ষম হৈছে এই শিশুটিয়ে। ডাঙৰ হ’লে এদিন ৰজনীকান্তৰ দৰে হ’ব খোজা এই শিশুটিৰ নাম চানী পাৱাৰ।

মুম্বাইৰ কালিনাৰ কুঞ্চী কাৰ্ভ নগৰৰ বস্তি অঞ্চলত বাস কৰা অতি দৰিদ্ৰ পৰিয়ালৰ শিশু চানী পাৱাৰ। অভিনয়ৰ প্ৰতি থকা চানীৰ অদম্য স্পৃহা আৰু প্ৰতিভাই এদিন শিশুটিক এটা সুযোগ প্ৰদান কৰিছিল। পৰিচালক চফদৰ ৰহমানে এদিন শিশুটিৰ অভিনয় দেখি এখন ছবি নিৰ্মাণৰ কথা মননৈ আনিছিল। আৰু সেই ছবিখনেই আজি সমগ্ৰ বিশ্বৰ বুকুত পৰিচয় কৰাই দিবলৈ সক্ষম হৈছে শিশু অভিনেতা চানী পাৱাৰক।

‘চিপ্পা’ নামৰ এই শিশুকেন্দ্ৰিক ছবিখনে কেইবাটাও ৰাষ্ট্ৰীয় বঁটা লাভ কৰিবলৈ সক্ষম হোৱাৰ পিছতে এইবাৰ ১৯সংখ্যক নিউয়ৰ্ক ইণ্ডিয়ান ফিল্ম ফেষ্টিভেল-২০১৯তো জিলিকি উঠিছে। এই ছবি মহোৎসৱত ‘চিপ্পা’ত কৰা দুৰ্দান্ত অভিনয়ৰ বাবে চানী পাৱাৰে লাভ কৰে শ্ৰেষ্ঠ শিশু অভিনেতাৰ সন্মান।

উল্লেখ্য যে, ২০১৬ চনত অষ্ট্ৰেলিয়ান পৰিচালক গাৰ্থ ডেভিছে পৰিচালনা কৰা ‘লায়ন’ নামৰ ছবিখনতো অভিনয় কৰাৰ সুযোগ লাভ কৰিছিল চানী পাৱাৰে। সেই ছবিখনৰ মাজেৰেই নিজৰ অভিনয় প্ৰতিভা দুৰ্দান্ত ৰূপত ফুটাই তুলিবলৈ সক্ষম হৈছিল ১১ বছৰীয়া চানীয়ে।

আপুনি পঢ়ি ভাল পাব পৰা বাতৰি