Published on:
Updated on:
- তেজপুৰত ভূপতিত ছুখয়-৩০ যুঁজাৰু বিমান।
- পেৰাছ্যুটেৰে জপিয়াই গুৰতৰভাৱে আহত বিমানখনৰ বৈমানিক দুজন।
- পাইলটক সংকটজনক অবস্থাত উদ্ধাৰ ৰাইজৰ ।
- পাইলত দুজনৰ বাবেই ভয়ংকৰ দুৰ্ঘটনাৰ পৰা ৰক্ষা পৰিল মিলনপুৰ গাঁও।
- নহ'লে মিলনপুৰৰ শইকীয়া চুবুৰী গাওঁখনৰ বাসগৃহৰ ওপৰতে ভূপতিত হ'লহেঁতেন বিমানখন।
- তেজপুৰ চহৰৰ নিকটৱৰ্ত্তী মিলনপুৰত আজি নিশা প্ৰায় ৮ মান বজাত সংঘটিত হৈছিল এই দুৰ্ঘটনা।
- মিলনপুৰৰ উপস্বাস্থ্য কেন্দ্ৰৰ সন্মুখৰ পথাৰত ভূপতিত হয় যুঁজাৰু বিমানখন।
- দুৰ্ঘটনাৰ পাছতে জ্বলি ছাই হয় যুঁজাৰু বিমানখন।
- ভূপতিত হোৱাৰ পূৰ্বেই বিমানৰ পৰা জপিয়াই দিয়ে দুই পাইলটে।
- প্ৰাণৰ মমতাত পেৰাছ্যুটসহ কম উচ্চতাৰ পৰা জপিওৱাৰ ফলত দুয়োজন পাইলট গুৰুতৰভাৱে আহত হয়।
- আহত এজন পাইলটৰ অৱস্থা অতি সংকটজনক।
- ৰাইজে উদ্ধাৰ কৰে দুয়োগৰাকী পাইলটক।
- এখন জাইল গাড়ীৰে ততাতৈয়াকৈ চিকিৎসালয়লৈ লৈ যায় পাইলটজনক।
- জানিব পৰা মতে পাইলট পথাৰৰ বোকাত পৰে যদিও এজন পাইলটৰ এখন ভৰি টুকুৰা হৈ যোৱাৰ লগতে হাত ,বুকু আৰু মূৰত গুৰুতৰভাৱে আঘাট পাইছে ।
- ঘটনাৰ পাছতে মুৰ্ছা যোৱা পাইলতজন পি ছান্ত্ৰা বুলি জানিব পৰা গৈছে।
- ইফালে ককাল আৰু মূৰত গুৰুতৰভাৱে আঘাট পোৱা আনজন পাইলটক বায়ুসেনা বাহিনীৰ এখন এম্বুলেঞ্চৰে চিকিৎসালয়লৈ লৈ যায়।
- উল্লেখ্য যে তেজপুৰ বায়ু সেনাৰ শিবিৰৰ পৰা বৃহস্পতিবাৰৰ নিশা ৭.৩০ মান বজাত উৰা মাৰিছিল বিমানখনে।
- কেই মুহূৰ্তমান উৰাৰ পাছতেই ভূপতিত হয় বিমানখন।
- বায়ুসেনা শিবিৰৰ পৰা মাত্ৰ কিছু নিলগতে থকা মিলনপুৰ গাৱত দুৰ্ঘটনাত পতিত হয় ।
- স্থানীয় ৰাইজৰ পৰা জানিব পৰা মতে ঘটনাৰ মাত্ৰ কেই ছেকেণ্ড মানৰ পূৰ্বে বিমান মিলনপুৰ গাঁৱৰ বহু বাসগৃহৰ মুধচৰ নিচেই কাষেৰে পৰা উৰি যোৱাৰ পাছতে পথাৰত দুৰ্ঘটনাগ্ৰস্ত হয় ।
- এইক্ষেত্ৰত বহু লোকে কয় পাইলট দুজনৰ বাবেই মিলনপুৰ গাঁৱত ভয়ংকৰ দুৰ্ঘটনা সংঘটিত হোৱা পৰা ৰক্ষা পৰিল ।
- দুয়োজন পাইলটৰ চেষ্টাৰ বাবেহে বিমানখন পথাৰত ভূপতিত হয় ।
- এই দুৰ্ঘটনাৰ পাছতেই ঘটনাস্থলীত উপস্থিত হয়গৈ বায়ূসেনাৰ লগতে শোনিতপুৰ জিলা প্ৰশাসন।
- কেইবাখনো জুই নোমোৱা গাড়ীয়ে চেষ্টা কৰিছিল ভূপতিত বিমানখনৰ জুই নুমাবলৈ।
- ঘটনাৰ পাছতেই মিলনপুৰ অঞ্চলত ৰাইজৰ মাজত হাহাকাৰৰ সৃষ্টি হয় ।
- ইয়াৰ উপৰি তেজপুৰৰ বিভিন্ন প্ৰান্তৰৰ পৰা হাজাৰ হাজাৰ লোক ঘটনাস্থলীত উপস্থিত হোৱাত মূল পথত সৃষ্টি হয় যান-জঁটৰ।
Code:
Asomiya Pratidin
www.asomiyapratidin.in
