ডিজিটেল সংবাদ লখিমপুৰঃ লখিমপুৰৰ সোৱণশিৰি নদীত বৃহস্পতিবাৰে আবেলি এক শোকাৱহ দুৰ্ঘটনা সংঘটিত হয়। নদী খনৰ বাধাকৰা দৰ্গে ঘাটত তিনিজন যুৱকৰ সলিল সমাধি হয় ৷ ঘটনাৰ বিৱৰণী মতে বৃহস্পতিবাৰে আবেলি স্থানীয় মৈদমীয়া গাঁৱৰ ছয় জন যুৱকে নদী খনৰ বাধাকৰা দৰ্গে ঘাটত গা ধুবলৈ যায় ৷
প্ৰথমে ছাজাদুল হক নামৰ যুৱক জনে গা ধুবলৈ নদীত নামে ৷ যুৱক জনে পানীত ককবকাবলৈ ধৰাত আদনান হাজৰিকা আৰু মামুদ হুছেইন নামৰ দুই যুৱকে তেওঁক উদ্ধাৰ কৰিবলৈ যত্ন কৰে ।এই দুই যুৱকো নদীৰ পানীত ডুব যায় ৷ পাৰত থকা আন তিনিজন যুৱকে লগে লগে হুৱা দুৱা লগায়। স্থানীয় ৰাইজে আৰক্ষী আৰু এছ ডি আৰ এফ বাহিনীক খবৰ দিয়ে ৷
এছ ডি আৰ এফে অভিযান চলাই আদনান হাজৰিকা আৰু মামুদ হুছেইনক উদ্ধাৰ কৰিবলৈ সক্ষম হয়৷ এই বাতৰি লিখা পৰলৈকে ছাজাদুল হকৰ মৃতদেহ উদ্ধাৰ হোৱা নাই ৷ বৃহস্পতিবাৰে আবেলি তিনি বজাত এই শোকাৱহ দুৰ্ঘটনাটো সংঘটিত হয় ৷ আদনান হাজৰিকাৰ বয়স ১৭ বছৰ ,ছাজাদুল হ'কৰ ২০ বছৰ আৰু মামুদ হোছেইনৰ বয়স ৩২ বছৰ।