শেহতীয়া খবৰ
কৃষ্ণাই প্ৰেছ ক্লাবৰ মনোজ্ঞ অনুষ্ঠান, শৰতৰ জোনাকত এখন্তেক  •  ৰাজনীতি ত্যাগ কৰিব ৰাজ্যৰ এগৰাকী কংগ্ৰেছ বিধায়কে! VIDEO  •  ৰাজস্থানত কেনে আছে বড়িৰ ‘কইনা’বোৰ?  •  দেশ ভ্ৰমণ কৰিবলৈ আহি বৰপেটাত বাংলাদেশী নাগৰিকৰ মৃত্যু...  •  আঁচনিৰ ধন আত্মসাতৰ অভিযোগত বিধায়ক ৱাজেদ আলী চৌধুৰীৰ বিৰুদ্ধে হিতাধিকাৰী-কৃষক মুক্তি সংগ্ৰাম সমিতিৰ এজাহাৰ...  •  টিহুত আৰ্যভট্ট বিজ্ঞান কেন্দ্ৰৰ বিজ্ঞান ভিত্তিক প্ৰতিযোগিতা সম্পন্ন...  •  হাস্পতালত কেন্দ্ৰীয় মন্ত্ৰীৰ গালৈ চিঞাহী চটিয়ালে যুৱকে...  •  বুধবাৰে পি চিদাম্বৰামক ই ডিয়ে কৰিব গ্ৰেপ্তাৰ...  •  থলুৱাক বঞ্চিত ৰেলবিভাগৰ! চতুৰ্থবৰ্গৰ চাকৰিত উত্তৰ পূৱ সীমান্ত ৰেলৱে লামডিঙ ডিভিজনত মুঠ ৮৯৯ গৰাকী বহিঃৰাজ্যৰ যুৱকক নিযুক্তি...  •  জম্মু-কাশ্মীৰত পাকিস্তানৰ যুদ্ধবিৰতি উলংঘন, নিহত এগৰাকী মহিলা...

শিৱসাগৰত ড্ৰাগছসহ ৩ যুৱক আটক…

230

ডিজিটেল সংবাদ, শিৱসাগৰঃ বুধবাৰে এক গোপন সূত্ৰৰ পমখেদি শিৱসাগৰ আৰক্ষীয়ে ড্ৰাগছসহ আটক কৰে তিনিজন যুৱকক। আটক কৰা তিনিজন যুৱকৰ পৰা বহুকেইটা ব্ৰাউন ছুগাৰৰ পেকেট উদ্ধাৰ কৰে আৰক্ষীয়ে। ঘটনাক লৈ তীব্ৰ চাঞ্চল্যৰ সৃষ্টি হৈছে শিৱসাগৰত। নাগালেণ্ডৰ সীমান্তৱৰ্তী গোলাঘাট জিলাৰ পিছত এতিয়া শিৱসাগৰ জিলা ড্ৰাগছৰ ঘাটি হিচাপে পৰিগনিত হৈছে।

বুধবাৰে এক গোপন সূত্ৰৰ খবৰৰ ভিত্তিত শিৱসাগৰ আৰক্ষীৰ এটা দল চহৰৰ গনকপট্টী তিনি আলিৰ স্কাইচেফ হোটেলৰ সন্মুখত ৰৈ থকা অৱস্থাত গনকপট্টীৰ দিশৰ পৰা আহি থকা এ এছ ০৪ কিউ ৩৫৭১ নম্বৰৰ ৰঙা ৰঙৰ এল্ট’ গাড়ীখন আগ ভেটি ধৰি ৰখাই। তিনি আৰোহীৰ সৈতে গাড়ীখন আৰক্ষীয়ে তালাচী চলায় আৰু গাড়ীৰ পৰা কেইবা পেকেট ড্ৰাগছ উদ্ধাৰ কৰে। আৰক্ষীয়ে যুৱক কেইজনক আটক কৰি থানালৈ লৈ যায়।

উল্লেখ্য যে, শিৱসাগৰ জিলাৰ অসম নাগালেণ্ড সীমান্তৰ বিহুবৰৰ পৰা নিয়ন্ত্ৰিত হৈ আছে এই ড্ৰাগচৰ বেহা। এই অসাধু চক্ৰটোৱে বিভিন্ন এজেন্টৰ জৰিয়তে ড্ৰাগছ সেৱনকাৰীক যোগান ধৰে নিষিদ্ধ ড্ৰাগছ। জানিব পৰা মতে, বিহুবৰৰ পৰা চূনপূৰা পৰ্যন্ত আহি এই এজেন্টে ড্ৰাগছ যোগান দি যায়হি।

বুধবাৰে শিৱসাগৰ আৰক্ষীয়ে আটক কৰা তিনি যুৱক ক্ৰমে অংকুৰজ্যোতি বৰুৱা আৰু মানৱজ্যোতি গগৈ আৰু জেঙনীকটীয়াৰ তৌফিক শ্বাহে বিহুবৰৰ এজেন্টৰ পৰা চূনপূৰাত ড্ৰাগছ সংগ্ৰহ কৰি উভতি আহিছিল।

আপুনি পঢ়ি ভাল পাব পৰা বাতৰি