ডিজিটেল সংবাদ, হাইলাকান্দিঃ ভোট গণনাৰ সময়ত বেলট পেপাৰৰ বিসংগতি ধৰা পৰাৰ পিছতে শনিবাৰে পুনৰ ভোটগ্ৰহণ অনুষ্ঠিত হয় হাইলাকান্দিৰ শ্যামপুৰ এম ই ইনষ্টিটিউট ভোটকেন্দ্ৰত৷ পুৱা ৭ বজাৰ পৰা অনুষ্ঠিত হোৱা ভোটগ্ৰহণক লৈ ভোটগ্ৰহণ কেন্দ্ৰটোত কটকটীয়া নিৰাপত্তা ব্যৱস্থা গঢ়ি তোলা হৈছে৷ আবেলি ৩ বজালৈ অনুষ্ঠিত হ'ব এই ভোটগ্ৰহণ৷
ইফালে ভোটগ্ৰহণ সম্পন্ন হোৱাৰ পিছত সন্ধিয়া ৬ বজাৰ পৰা হাইলাকান্দি জিলা উপায়ুক্তৰ কাৰ্যালয়ত ভোটগণনা কাৰ্য সম্পাদন হ'ব বুলি ৰাজ্যিক নিৰ্বাচনী আয়োগে জানিবলৈ দিয়ে৷ ভোটগ্ৰহণৰ সময়ত পুৱাৰ পৰা ভোটগ্ৰহণ কেন্দ্ৰটোত ভোটাৰৰ ভিৰ পৰিলক্ষিত হৈছে৷