শেহতীয়া খবৰ
সৰ্বভাৰতীয় পৰ্যায়ৰ প্ৰতিযোগিতাত উজ্বলিল টীয়কৰ চৰকাৰী বিদ্যালয়ৰ শিক্ষক  •  ৰাহুল গান্ধী-প্ৰিয়ংকা গান্ধীৰ বিৰুদ্ধে এজাহাৰ দাখিলৰ বাবে আদালতত আবেদন…  •  চপাৰা-চপৰে খহা গাঁতৰ বাবে যাতায়তৰ অনুপযোগী নগাঁও-বটদ্রৱা সংযোগী পথঃ আগন্তুক দৌল মহোৎসৱৰ পূৰ্বে মেৰামতিৰ দাবী দল সংগঠনৰ  •  চামগুৰিত বনৰৌ উদ্ধাৰ  •  নাজিৰাত মন্ত্ৰী হিমন্ত বিশ্ব শৰ্মাৰ বাইক ৰেলীত উত্তপ্ত পৰিস্থিতি, মন্ত্ৰীৰ কনভয়ৰ সন্মুখত ৰৈ প্ৰতিবাদ বিধায়ক দেৱব্ৰত শইকীয়াৰ...  •  চৰকাৰ আকোৰগোজ, আৰম্ভ কৰিবই ৰহাৰ টোলগেট! জাঙুৰ খাই উঠিছে অসম জাতীয়তাবাদী যুৱ ছাত্ৰ পৰিষদ আৰু কৃষক মুক্তি সংগ্ৰাম সমিতি, VIDEO  •  দিল্লীৰ ৰাজপথত বন্দুক টোঁৱাই সন্ত্ৰাস চলোৱা কোন এই শ্বাহৰুখ…  •  ভুল তথ্য দাখিল গোচৰত দিল্লীৰ উপ মুখ্যমন্ত্ৰী মণীষ চিছোদিয়ালৈ উচ্চ ন্যায়ালয়ৰ জাননী…  •  ন’ পাৰ্কিঙত ৰখোৱা বিধায়কৰ গাড়ীত হুইল ক্লেম ল’ক লগোৱা বিষ্ণু বৰাক প্ৰশংসা আৰক্ষীৰ উচ্চপদস্থ বিষয়াৰ  •  কৃষ্ণাইত ট্ৰেক্টৰ-ডাম্পাৰৰ দৌৰাত্ম্য, আৰক্ষীৰ ৰহস্যজনক ভূমিকা

‘কা’ আমাৰ প্ৰতিশ্ৰুতি আছিল, আৰু আমি সেই প্ৰতিশ্ৰুতি পূৰণ কৰিছোঃ ৰাজনাথ সিং

328

ডিজিটেল ডেস্কঃ ‘কা’ আমাৰ প্ৰতিশ্ৰুতি আছিল, আৰু আমি সেই প্ৰতিশ্ৰুতি পূৰণ কৰিছো।’ -বুধবাৰে এই মন্তব্য কৰে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে। মেৰঠত ‘কা’ৰ সমৰ্থনত বিজেপিয়ে আয়োজন কৰা জনসভা সম্বোধন কৰি ৰাজনাথ সিঙে এইদৰে ‘কা’ সপক্ষত যুক্তি দৰ্শোৱা পৰিলক্ষিত হয়।

‘কা’ আনি চৰকাৰে কোনো অপৰাধ কৰা নাই বুলি দাবী কৰি কেন্দ্ৰীয় মন্ত্ৰীগৰাকীয়ে কয় যে একাংশ লোকে নিজৰ স্বাৰ্থৰ বাবে ‘কা’ক হিন্দু-মুছলমানৰ বিভেদকামী দৃষ্টিৰে চাইছে। কিন্তু সেয়া সঠিক নহয়।

তেওঁ কয়, ‘সন্দেহ লাগিলে যিয়েই নকৰক, কিন্তু ‘কা’ লৈ বিভাজন কৰাটো ভুল। আমাৰ প্ৰধানমন্ত্ৰীয়ে ধৰ্মৰ আধাৰত নহয়, মানৱতাৰ আধাৰত চিন্তা কৰে। আৰু তাৰেই ফচল হৈছে নাগৰিকত্ব সংশোধনী আইন। একাংশই নিজৰ স্বাৰ্থৰ বাবে ‘কা’ক হিন্দু-মুছলমানৰ বিভেদকামী দৃষ্টিৰে চাইছে।’

উল্লেখ্য যে, ইয়াৰ পূৰ্বে মঙলবাৰে লক্ষ্ণৌত ‘কা’ৰ সমৰ্থনত আয়োজিত জনসভাত অংশ লৈ কেন্দ্ৰীয় গৃহমন্ত্ৰী অমিত শ্বাহে একপ্ৰকাৰ সদম্ভ ঘোষণা কৰিছিল যে ‘কা’ক লৈ যিমানেই প্ৰতিবাদ নহওক লাগিলে, তথাপি এই আইন বাতিল নহয়। গৃহমন্ত্ৰীগৰাকীয়ে ক্ষমতাৰ অপপ্ৰয়োগৰে কৰা এই মন্তব্যই দেশজুৰি সৃষ্টি কৰিছে তীব্ৰ প্ৰতিক্ৰিয়াৰ।

আপুনি পঢ়ি ভাল পাব পৰা বাতৰি