শেহতীয়া খবৰ
নিমিষতে ছাই হৈ গ'ল সকলো, দক্ষিণ শালমাৰাত অগ্নিকাণ্ডত ভস্মীভূত ৭ টা ঘৰ  •  ৰাহুল গান্ধীলৈ নিৰ্বাচন আয়োগৰ জাননী...  •  বিদায় কংগ্ৰেছ... ৰাহুললৈ প্ৰিয়ংকাৰ আবেগভৰা চিঠি!  •  আগমনীত আৰক্ষীৰ জালত ২ বলাৎকাৰী  •  একেদিনাই কংগ্ৰেছ এৰি শিৱসেনালৈ প্ৰিয়ংকা...  •  মোৰ সমষ্টিৰ বিজেপি প্ৰাৰ্থীগৰাকী মোৰ বাবে ফেক্টৰ নহয়ঃ দিগ্বিজয় সিং  •  নগাঁৱৰ কঠীয়াতলীত ৰাবিজ ভৰ্তি ডাম্পাৰ আৰু বালি ভৰ্তি ট্ৰাক জব্দ, চাওক VIDEO  •  মঞ্চত ভাষণৰ মাজতে চৰিওৱা ব্যক্তিৰ বিৰুদ্ধে এজাহাৰ দাখিল হাৰ্দিকৰ  •  অসন্তুষ্ট কংগ্ৰেছ নেত্ৰী প্ৰিয়ংকা, অৱশেষত ল’লে পদত্যাগৰ সিদ্ধান্ত  •  গুৱাহাটী-ঝাৰখণ্ড উচ্চ ন্যায়ালয়ৰ মুখ্য ন্যায়াধীশক উচ্চতম ন্যায়ালয়ৰ ন্যায়াধীশ নিযুক্তি

পুৰণিগুদামত জন্মদাত্ৰী মাতৃক পাষণ্ড পুত্ৰৰ অত্যাচাৰ

451

ডিজিটেল সংবাদ, নগাঁওঃ নগাঁৱত পুনৰ সন্তানে মাতৃক অৱহেলা কৰাৰ ঘটনা পোহৰলৈ আহিছে। জিলাখনৰ পুৰণিগুদামৰ নলবৰা গাঁৱৰ যতীন চন্দ্ৰ বৰা নামৰ এজন লোকৰ বিৰুদ্ধে উত্থাপিত হৈছে মাতৃক নিৰ্যাতন চলোৱাৰ অভিযোগ।

ইতিমধ্যে ঘটনা সন্দৰ্ভত আৰক্ষীৰো কাষ চাপিছে ডিম্বেশ্বৰী বৰা নামৰ এগৰাকী ৭০ বছৰীয়া বৃদ্ধা। নিজ পুত্ৰ যতীনৰ বিৰুদ্ধে বৃদ্ধাগৰাকীয়ে চামগুৰি থানাত এজাহাৰ দাখিল কৰে যদিও আৰক্ষীয়ে কোনো ব্যৱস্থা গ্ৰহণ নকৰা বুলি অভিযোগ উঠিছে।

এজাহাৰত উল্লেখ কৰা অনুযায়ী কিছুদিন পূৰ্বে পুত্ৰ যতীনে মাতৃ ডিম্বেশ্বৰীক নিশাৰ ভাগত ঘৰৰ পৰা অকথ্য নিৰ্যাতন চলাই বাহিৰ কৰি দিছিল। পুত্ৰৰ এনে কাণ্ডৰ পিছত বৰ্তমান আত্মীয়ৰ ঘৰত আশ্ৰয় লৈ আছে পুত্ৰৰ হাতত নিৰ্যাতিত বৃদ্ধাগৰাকীয়ে।

উল্লেখ্য যে, যোৱা ২৮ আগষ্টতে চামগুৰি আৰক্ষীক তদন্তৰ নিৰ্দেশ দিছিল নগাঁও অতিৰিক্ত উপায়ুক্তই। এই সন্দৰ্ভত মহিলা আয়োগতো ৰুজু হৈছিল গোচৰ। নিজ পুত্ৰৰ বিৰুদ্ধে আইন-আদালতৰ কাষ চাপি এতিয়া এনেদৰে ন্যায়ৰ বাবে বাট চাই ৰৈছে বৃদ্ধাগৰাকীয়ে।

আপুনি পঢ়ি ভাল পাব পৰা বাতৰি