Published on:
11 May 2021, 3:09 pm
Updated on:
11 May 2021, 3:09 pm
কেবিনেট বৈঠকৰ পাছতে সংবাদমেল সম্বোধন কৰে মন্ত্ৰী পীয়ুষ হাজৰিকা আৰু মন্ত্ৰী কেশৱ মহন্তই। সংবাদমেলত প্ৰতি সপ্তাহৰ বুধবাৰে কেবিনেট বৈঠক অনুষ্ঠিত হ'ব বুলি জনোৱা হয়। দিনৰ ১১ বজাৰ পৰা ১ বজাৰ ভিতৰত অনুষ্ঠিত হ'ব বৈঠক। লগতে সংবাদমেলত জনোৱা হয়- কেবিনেটৰ স্পকপাৰ্ছন হিচাপে মন্ত্ৰী কেশৱ মহন্ত আৰু মন্ত্ৰী পীয়ুষ হাজৰিকাক নিযুক্তি প্ৰদান। আজিৰ কেবিনেটত মুলতঃ বৰ্তমানৰ কোভিড পৰিস্থিতি সন্দৰ্ভত বিতংকভাৱে পৰ্যালোচনা কৰা হয়। বুধবাৰে ১১ বজাত ইয়াৰ কাৰ্যকৰী দিশখিনি অসমৰ মুখ্য সচিব আৰু ডিজিপিয়ে ব্যাখ্যা কৰিব। প্ৰত্যেকজন মন্ত্ৰীক ন্যূনতম দুখন জিলাৰ দায়িত্ব প্ৰদান কৰিব। জিলাখনৰ দায়িত্ব পোৱাৰ পাছতে মন্ত্ৰীসকলে উপায়ুক্ত আৰু স্বাস্থ্য বিভাগৰ সহযোগত কোভিডৰ সকলো কথা পৰ্যালোচনা কৰিব। তিনিদিনৰ ভিতৰত মুখ্যমন্ত্ৰী আৰু স্বাস্থ্যমন্ত্ৰীক ইয়াৰ প্ৰতিবেদন দাখিল কৰিব লাগিব। বুধবাৰে ঘোষণা কৰা ব্যৱস্থাসমূহৰ পাছত ১৫ দিনৰ ভিতৰত যদি বৃদ্ধি কৰিব লগা হয় তেতিয়াহলে অহা কেবিনেটত এটা ইকনমিক পেকেজ প্ৰস্তুত কৰি সিদ্ধান্ত গ্ৰহণ কৰা হ'ব। ১ লাখ নিবনুৱাক চাকৰি দিয়াৰ ক্ষেত্ৰত গঠন কৰি দিয়া হৈছে এখন কমিটী। এই কমিটীয়ে এমাহৰ ভিতৰত নিযুক্তিৰ খচৰা দাঙি ধৰিব। মাইক্ৰ' ফাইনেন্সৰ ঋণ পৰিশোধৰ খতিয়ানৰ বাবে অশোক সিংহলক কেবিনেটত গঠন কৰি দিয়া কমিটীৰ সভাপতিৰ দায়িত্ব প্ৰদান কৰা হৈছে। ঋণ ৰেহাই দিয়াৰ ক্ষেত্ৰত প্ৰতিবেদন দিয়াৰ পাছত সিদ্ধান্ত গ্ৰহণ কৰা হ'ব। কোভিডৰ সংক্ৰমণ আৰু মৃত্যুৰ হাৰ বৃদ্ধি হৈছে। কোভিডৰ সংক্ৰমণ ৰোধৰ ক্ষেত্ৰত বুধবাৰৰ পুৱা ১১ বজাত লোৱা সিদ্ধান্ত সন্দৰ্ভত মুখ্য সচিব আৰু ডিজিপিয়ে বিতংকভাৱে ঘোষণা কৰিব। পৰহী অৰ্থাৎ বৃহস্পতিবাৰৰ পৰা সেয়া কাৰ্যকৰী হোৱাৰ সম্ভাৱনা। মাইক্ৰ'ফাইনেন্সৰ ঋণৰ সন্দৰ্ভত দুখন কমিটী গঠন কৰি দিয়া হৈছে। এনআৰএলত চৰকাৰে বিনিয়োগ কৰিব ২৬ শতাংশ। এনআৰএলত পূৰ্বে শ্বেয়াৰ আছিল ১২.৩৫ শতাংশ।
Code:
Asomiya Pratidin
www.asomiyapratidin.in
