শেহতীয়া খবৰ
জি-৭ত প্ৰধানমন্ত্ৰী মোদীঃ এক পৃথিৱা, এক স্বাস্থ্যৰ বাৰ্তা প্ৰেৰণ...  •  ওৰাঙত এছ এছ বিৰ প্ৰশংসনীয় পদক্ষেপ ! কৈলাশ দেৱালয়ত ১১০ টা গছ পুলি ৰোপন....  •  হৃদ ৰোগত আক্ৰান্ত হৈ কংগ্ৰেছ নেত্ৰীৰ বিয়োগ...  •  চিচিবৰগাঁৱৰ ১৫ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা, থিতাতে দুজন নিহত...  •  কোভিডৰ সংক্ৰমণৰ বাবে সুক্ষ্ম নিয়ন্ত্ৰণ কেন্দ্ৰ ঘোষণা কৰা অঞ্চলত খাদ্য সামগ্ৰী বিতৰণ...  •  এচিয়াৰ দ্বিতীয় বৃহত্তম হাতীমূৰাস্থিত কলং উত্তোলিত জলসিঞ্চন আঁচনি এতিয়া ধোঁৱাচাঙত...  •  মাইক্ৰ'ফাইনেন্সৰ ঋণ মাফ সৰ্ম্পকত সদৌ অসম গ্ৰামীণ শ্ৰমিক সন্থাৰ তীব্ৰ প্ৰতিবাদ  •  অসমত পুনৰ ৩৪৬৩জন কোভিড পজিটিভ, ৪২জনে হেৰুৱাইছে প্ৰাণ...  •  মাধ্যমিক শিক্ষাৰ ঠিকাভিত্তিক শিক্ষকে লাভ কৰিব তিনি মাহৰ দৰমহা...  •  মোৰাঝাৰত বিধ্বংসী অগ্নিকাণ্ড! দহ লক্ষাধিক টকাৰ ক্ষয়-ক্ষতি

বিধান সভা নিৰ্বাচনৰ ভোটগণনাক লৈ ধেমাজি জিলা প্ৰশাসনৰ সংবাদ মেল…

ডিজিটেল সংবাদ,ধেমাজি : ইতিমধ্যে হৈ যোৱা বিধান সভাৰ নিৰ্বাচনৰ ভোট গণনাকলৈ বুধবাৰে পুৱা ১১ বজাত ধেমাজি জিলা উপায়ুক্তৰ কাৰ্যালয়ৰ সভাগৃহত ধেমাজি জিলা উন্নয়ন আয়ুক্ত দীপাংকৰ দাসে ভোটগণনাৰ প্ৰস্তুতি বিষয়ক লৈ এখনি সংবাদমেল অনুষ্ঠিত কৰে ৷ ১১৩ নং ধেমাজি বিধান সভা সমষ্টিটোৰ ভোটগণনাৰ বাবে জিলা প্ৰশাসনৰ প্ৰস্তুতিৰ সম্পৰ্কে আয়ুক্ত গৰাকীয়ে সংবাদ মেলত জনায় যে মুঠ ৩ টা কাউন্টিং হলৰ প্ৰতিটো হলতে ৭ খনকৈ মুঠ ২১ খন টেবুলত ভোটগণনা হ’ব |

ইয়াৰে আন এটা হলৰ ৪ খন টেবুলত পোষ্টেল বেলট গণনাৰ বাবে আৰু তিনিটা হলৰ ২১ খন টেবুলত ই ভি এম মেচিনত ভোটগণনাৰ বাবে ব্যৱহৃত হ’ব | মুঠ প্ৰায় ১৮ টা ৰাউণ্ডত এই ভোটগণনা কাৰ্যসূচী সম্পাদন হ’ব বুলি জিলা উন্নয়ন আয়ুক্ত গৰাকীয়ে সংবাদমেলত জানিবলৈ দিয়ে ৷ এইবাৰ ক’ভিড প্ৰট’কল ৰক্ষা কৰি নিৰ্বাচন আয়োগৰ নিৰ্দেশ মৰ্মে কিছুমান বিশেষ ব্যৱস্থা গ্ৰহণ কৰা হৈছে | বিজয়ী প্ৰাৰ্থীয়ে এইবাৰ বিজয় সমদল উলিয়াব নোৱাৰিব আৰু প্ৰতিদন্দী প্ৰাৰ্থীৰ এজেণ্ট সকলে ক’ভিড টেষ্ট কৰাটো বাধ্যতামূলক আৰু নিয়ম অনুসৰি প্ৰত্যেকেই মাস্ক , চেনিট্ৰাইজাৰ , স্কিনিং আৰু হেণ্ড গ্ল’ৱ ব্যৱহাৰ কৰিব লাগিব ৷

ইয়াৰ উপৰিও এইবাৰ ভোট গগণাত থকা এজেণ্ট সকলক চকী ব্যৱহাৰ কৰিবলৈ নিদি ইয়াৰ পৰিবৰ্ত্তে দিঘলীয়া তিনিজনীয়া বেঞ্চ দিয়া হ’ব বুলি উল্লেখ কৰে ৷ সংবাদকৰ্মীসকলৰ সুবিধাৰ বাবে নিৰ্বাচন আয়োগৰ নীতি অনুসৰি প্ৰচাৰৰ বাবে মিডিয়া সকলৰ বাবেও সুকীয়াকৈ ৰোমৰ ব্যৱস্থা কৰা হৈছে বুলি জিলা উন্নয়ন আয়ুক্ত গৰাকীয়ে জানিবলৈ দিয়ে | সংবাদমেলৰ জৰিয়তে সকলোকেই অহা ২ মে’ত হ’ব লগা ভোটগণনাৰ বাবে আয়ুক্ত গৰাকীয়ে সকলোকে সহযোগিতা আগবঢ়াবলৈ জিলা প্ৰশাসনৰ হৈ তেওঁ আহ্বান জনায় | সংবাদমেলত জিলা তথ্য ও জনসংযোগ বিষয়া দিব্যজ্যোতি শৰ্মাই উপস্থিত থাকে ৷

আপুনি পঢ়ি ভাল পাব পৰা বাতৰি