শেহতীয়া খবৰ
অসম সৌৰভ বঁটা গ্ৰহণৰ বাবে লাভলীনাক আনুষ্ঠানিক নিমন্ত্ৰণ অসম চৰকাৰৰ...  •  সীমাৰ ভাগ-বাটোৱাৰা  •  সীমাৰ ভাগ-বাটোৱাৰা  •  ৰঙাপৰাত আবকাৰী বিভাগৰ অভিযানত অৰুণাচলী সুৰাসহ এজনক আটক...  •  গোগামুখত পুৱাই উদ্ধাৰ সুগৰি পহুঃ সোৱণশিৰি বনাঞ্চলৰ পৰিৱৰ্তে কাজিৰঙাত কৰিব মুকলি...  •  গোৱালপাৰাৰ লক্ষীপুৰ আৰক্ষীৰ জালত দুই হত্যাকাৰী...  •  সোণৰ খনিৰ বাবে বিস্ফোৰক কঢ়িয়াই অনা ট্ৰাকত বিস্ফোৰণঃ ১৭ জন নিহত ৬০ জন আহত...  •  মঙলদৈ প্ৰেছ ক্লাৱত ঐতিহাসিক পথৰুঘাট ৰণ বিষয়ক আলোচনা চক্ৰৰ আয়োজন...  •  ৫০ বছৰীয়া হ'ল অৰুণাচলঃ সোণালী জয়ন্তী বৰ্ষৰ স্মৃতি যুগমীয়া কৰাৰ বাবে বিভিন্ন পদক্ষেপ গ্ৰহণ...  •  প্ৰকৃতি সুৰক্ষা আৰু ৰক্ত দানৰ প্ৰতি সজাগতা সৃষ্টিৰ বাবে পদযাত্ৰাঃ টীয়কত উপস্থিত দৰংৰ যুৱক...

অৱসৰপ্ৰাপ্ত প্ৰধান শিক্ষক আলহাজ নচিমুদ্দিন আহমেদৰ বিয়োগত চেঙাত শোকৰ ছাঁ…

অৱসৰপ্ৰাপ্ত প্ৰধান শিক্ষক আলহাজ নচিমুদ্দিন আহমেদৰ বিয়োগত চেঙাত শোকৰ ছাঁ

ডিজিটেল সংবাদ, চেঙা:  বৰপেটা জিলাৰ চেঙা মুছলমান গাঁৱৰ অৱসৰপ্ৰাপ্ত প্ৰধান শিক্ষক আলহাজ নচিমুদ্দিন আহমেদৰ বাৰ্ধক্যজনিত ৰোগত মংগলবাৰে  মৃত্যু হয়। আহমেদৰ মৃত্যুত বৃহত্তৰ অঞ্চলটোত শোকৰ ছাঁ পৰিছে । মৃত্যুৰ সময়ত প্ৰয়াত আলহাজ নচিমুদ্দিন আহমেদৰ বয়স আছিল ৮৫ বছৰ। চেঙা মুছলমান গাঁৱৰ  এম ই মাদ্ৰাছাৰ প্ৰতিষ্ঠাপক প্ৰধান শিক্ষক আছিল আলহাজ নচিমুদ্দিন আহমেদ।

জীৱিতকালত  বৃহত্তৰ চেঙা অঞ্চলৰ বিভিন্ন অনুষ্ঠান-প্ৰতিষ্ঠানৰ লগত জড়িত আছিল প্ৰয়াত আলহাজ নচিমুদ্দিন আহমেদ । এইগৰাকী কৃতী শিক্ষক প্ৰয়াত আলহাজ নচিমুদ্দিন আহমেদক সাহিত্য-সাংস্কৃতিক অনুষ্ঠান বিৰিণা গোষ্ঠী অসমে চাৰিবছৰ পূৰ্বে বিশেষভাৱে সম্বৰ্ধনা জ্ঞাপন কৰিছিল। তেখেতৰ মৃত্যুত বিৰিণা গোষ্ঠী অসমৰ সভাপতি লীলাধৰ পাঠক আৰু সম্পাদক তফিকুৰ ৰহমানৰ লগতে চেঙা মুছলমান গাঁও উন্নয়ন সমিতিৰ কাৰ্যকৰী সম্পাদক হৰমুজ আলী , সাধাৰণ সম্পাদক মাইনুল হক , চেঙা উদীয়মান যুৱ সংঘ, চেঙা আঞ্চলিক ছাত্ৰ সন্থাই গভীৰ শোক প্ৰকাশ কৰি পৰিয়ালবৰ্গলৈ গভীৰ সমবেদনা জ্ঞাপন কৰে।

মংগলবাৰে  বিয়লি কোভিড প্ৰট’কল অনুসৰি কম সংখ্যক লোকৰ উপস্থিতিত নচিমুদ্দিন আহমেদৰ জানাজা সম্পন্ন হয় । মৃত্যুৰ সময়ত তেওঁ চাৰিপুত্ৰ, তিনিগৰাকী কন্যা,দুগৰাকী বোৱাৰীসহ  নাতি-নাতিনী আৰু অসংখ্য গুণমুগ্ধক এৰি থৈ যায়।

আপুনি পঢ়ি ভাল পাব পৰা বাতৰি