শেহতীয়া খবৰ
শ্ৰমিকৰ পি এফক লৈ বঞ্চনা, গ্ৰেপ্তাৰ কাছাৰৰ চাহ বাগিচাৰ সহকাৰী প্ৰবন্ধক  •  'পাকিস্তান মূৰ্দাবাদ' শ্ল'গান দিয়ক আৰু ৰেহাই মূল্যত খাওক মাংসৰ পকোৰা...  •  গোলাঘাটত ব্ৰাউন ছুগাৰসহ এজনক আটক  •  'বিজেপি চৰকাৰৰ সুশাসন দেখি বিৰোধী দলবোৰ ঈৰ্ষাত জ্বলি-পুৰি মৰিছে'  •  জামুগুৰিহাটত পত্নীক হত্যা কৰি ঘৰৰ চৌহদত পুতি থোৱা স্বামীক মৰিয়াই মৰিয়াই হত্যা...  •  আইৰ মুখৰ ভাষা  •  ‘প্ৰথম প্ৰধানমন্ত্ৰী চৰ্দাৰ পেটেল হোৱা হ’লে দেশত কাশ্মীৰকলৈ সমস্যা নাথাকিল হেঁতেন’  •  ভাল খবৰ! ৰে’লৱে বিভাগত ওলাইছে চাকৰি, সবিশেষ...  •  কোকৰাঝাৰত বিপিএফৰ সভা, আগন্তুক লোকসভা নিৰ্বাচনৰ ৰণকৌশলৰ সন্দৰ্ভত আলোচনা...  •  লোকসভা নিৰ্বাচন-২০১৯, অতুল বৰাৰ নেতৃত্বত ৰণকৌশল প্ৰস্তুত সমিতি গঠন অসম গণ পৰিষদৰ

নৱেম্বৰত হ্ৰাস পালে জিএছটিৰ পৰা সংগৃহীত ৰাজহ

104

ডিজিটেল ডেস্কঃ অক্টোবৰ মাহত ১লাখ কোটিৰ সীমা অতিক্ৰম কৰাৰ পিছত সামগ্ৰী আৰু সেৱা কৰ চমুকৈ জিএছটিৰ অধীনত সংগৃহীত ৰাজহৰ পৰিমাণ নৱেম্বৰত ৯৭,৬৩৭ কোটি টকালৈ হ্ৰাস পায়। নৱেম্বৰ মাহত সংগৃহীত এই ৰাজহ অক্টোবৰ মাহৰ লেনদেনৰ বিপৰীতে আদায় কৰা হৈছে। ছেপ্টেম্বৰ মাহৰ বিপৰীতে অক্টোবৰ মাহত সংগ্ৰহ কৰা জিএছটিৰ ৰাজহৰ পৰিমাণ আছিল ১,০০,৭১০ কোটি।

বিত্ত মন্ত্ৰণালয়ৰ সূত্ৰই সদৰী কৰা মতে, ৩০ নৱেম্বৰ পৰ্যন্ত জিএছটিআৰ-৩বি ৰিটাৰ্নৰ বাবে মুঠ ৬৯.৬ লাখ আবেদন পোৱা গৈছিল। ইয়াৰ জৰিয়তে ১৬,৮১২ কোটি চেন্ট্ৰেল জিএছটি (চিজিএছটি), ২৩,০৭০ কোটি ষ্টেট জিএছটি (এছজিএছটি), ৪৯,৭২৬ কোটি ইণ্টিগ্ৰেটেড জিএছটি (আইজিএছটি) আৰু চেছ (উপকৰ) হিচাপে ৮০৩১ কোটি টকা সংগৃহীত হয়।

চিজিএছটি আৰু এছজিএছটিৰ পৰিমাণ বিগত মাহৰ তুলনাত সামান্য পৰিমাণে বৃদ্ধি পোৱাৰ বিপৰীতে আইজিএছটিৰ পৰিমাণ যথেষ্ট পৰিমাণে হ্ৰাস পায়। আইজিএছটিৰ অধীনত সংগ্ৰহ কৰা হোৱা ৰাজহৰ পৰিমাণ অৱনমিত হোৱাৰ ফলতে জিএছটিৰ অধীনত নৱেম্বৰ মাহত সংগৃহীত মুঠ ৰাজহ অক্টোবৰৰ তুলনাত হ্ৰাস পোৱা বুলি বিত্ত মন্ত্ৰণালয়ে সদৰী কৰিছে।

নিয়মিত বন্দোৱস্তিৰ জৰিয়তে আইজিএছটিৰ পৰা ১৮,২৬২ কোটি চিজিএছটি আৰু ১৫৭০৪ কোটি এছজিএছটিলৈ পৰিৱৰ্তিত কৰা হয় বুলিও বিত্ত মন্ত্ৰণালয়ে জানিবলৈ দিছে। উল্লেখ্য যে আগষ্ট আৰু ছেপ্টেম্বৰ মাহত কেন্দ্ৰৰ তৰফৰ পৰা ৰাজ্যসমূহলৈ জিএছটিৰ ক্ষতিপূৰণ হিচাপে ১১,৯২২ কোটি মোকলাই দিয়া হৈছিল।

আপুনি পঢ়ি ভাল পাব পৰা বাতৰি