নাগালেণ্ডৰ মুখ্য সচিব টেমজেন টয়ৰ আকস্মিক বিয়োগ,ৰাজ্যপাল আৰ এন ৰবিৰ শোক প্ৰকাশ…

ডিজিটেল সংবাদ, ৱাখা : নাগালেণ্ডৰ মুখ্য সচিব টেমজেন টয়ৰ বৃহস্পতিবাৰে বিয়লি আকস্মিকভাৱে নিজা বাসগৃহত দেহাৱসান ঘটে । মুখ্য সচিব টেমেজেন টয় দীৰ্ঘদিনীয়া অসুস্থতাত ভূগি আছিল আৰু বৃহস্পতিবাৰে ক'হিমাত চিকিৎসাধীন অৱস্থাত ৫৭ বয়সত মৃত্যু হয় । মৃত্যুৰ সময়ত তেওঁ পত্নী , দুটি পুত্ৰ আৰু দুগৰাকী কন্যাক ইহ সংসাৰত এৰি থৈ যায় ।

উল্লেখযোগ্য যে টেমজেন টয় আছিল ১৯৮৯ চনৰ নাগালেণ্ড বেটছৰ আই এছ কেডাৰ আছিল আৰু ২০১৮ চনৰ মাৰ্চ মাহৰ পৰা নাগালেণ্ডৰ মুখ্য সচিব পদত মৃত্যু পৰ্যন্ত কাৰ্যনিৰ্বাহ কৰিছিল । টেমজেন টয় মোককচাঙ জিলাৰ চাংকি গাঁৱত ১৯ ৬৭ চনত জন্ম হৈছিল । ইফালে নাগালেণ্ডৰ মুখ্য সচিব টেমজেন টয়ৰ আকস্মিক বিয়োগত ৰাজ্যপাল আৰ এন ৰবি আৰু মুখ্যমন্ত্ৰী নেইফিউ ৰিঅ আৰু বিৰোধী দলৰ নেতা টি আৰ জেলিয়াঙে গভীৰ শোক প্ৰকাশ কৰিছে । এক শোকবাৰ্তাত ৰাজ্যপাল আৰ এন ৰবিয় কয়- টেমজেন মৃত্যুত নাগালেণ্ডে এজন দক্ষ প্ৰশাসনিক বিষয়া আৰু বিচক্ষণ ব্যক্তিক হেৰুৱালে ।