অৰুণাচলৰ মুখ্যমন্ত্ৰীৰ কনভয়ৰ পৰা জব্দ ১.৮০ কোটি টকা, চকীদাৰক চোৰ আখ্যা কংগ্ৰেছৰ

03 Apr 2019 11:50 IST

New Update

পুনৰ এবাৰ চকীদাৰেই চোৰৰ আৰোপ প্ৰধানমন্ত্ৰী নৰেন্দ্ৰ মোডীৰ বিৰুদ্ধে।
কংগ্ৰেছ প্ৰবক্তা ৰণদ্বীপ সিঙে উত্থাপন কৰিলে এই অভিযোগ।
বুধবাৰে এক সংবাদ মেলযোগে প্ৰধানমন্ত্ৰীক চকীদাৰেই চোৰ আখ্যা দিয়ে কংগ্ৰেছ প্ৰবক্তা গৰাকীয়ে।
অৰুণাচলৰ মুখ্যমন্ত্ৰী পেমা খাণ্ডুৰ কনভয়ৰ বাহনৰ পৰা জব্দ হোৱা বৃহৎ পৰিমাণৰ ধনক লৈ এই অভিযোগ।

উল্লেখ্য যে, মুখ্যমন্ত্ৰী পেমা খাণ্ডুৰ বাহনৰ পৰা মঙলবাৰে নিশা জব্দ কৰা হৈছিল ১.৮০ কোটি টকা।
প্ৰধানমন্ত্ৰী নৰেন্দ্ৰ মোডীৰ অৰুণাচলৰ নিৰ্বাচনী প্ৰচাৰৰ এদিন পূৰ্বে জব্দ হৈছিল এই বৃহৎ পৰিমাণৰ ধন।
বুধবাৰে ৰাজ্যখনত নিৰ্বাচনী প্ৰচাৰ চলাইছে প্ৰধানমন্ত্ৰীয়ে।
জব্দ হোৱা ধনখিনি প্ৰধানমন্ত্ৰীৰ ৰেলীত খৰছ কৰাৰ বাবে অনাৰ অভিযোগ কংগ্ৰেছৰ।
'চোৰৰূপী চকীদাৰ হাতেলোটে ধৰা পৰিল'- এইদৰে বিজেপিক কটাক্ষ কংগ্ৰেছ প্ৰবক্তা ৰণদ্বীপ সিঙৰ।