সংকটৰ সময়! বিদ্ৰোহী সংগঠনেও আৰ্তজনৰ মাজত বিলালে খাদ্য সামগ্ৰী…

ডিজিটেল সংবাদ, ৱাখাঃ লকডাউনৰ বাবে আবদ্ধ হৈ থকা মণিপুৰৰ সেনাপতি জিলাৰ নগা অধ্যুষিত এলেকাৰ গাঁওবাসীক অত্যাৱশ্যকীয় খাদ্য সামগ্ৰী বিতৰণ কৰে নগা বিদ্ৰোহী সংগঠন এন এছ চি এন মুইভা গোটে ।

শুক্ৰবাৰে সেনাপতি জিলাৰ হুথ্ৰংগ ব্ৰিগেডৰ ডেজিগনেটত শিবিৰত শতাধিক গাঁৱৰ ৰাইজক এই খাদ্য সামগ্ৰী বিতৰণ কৰে এন এছ চি এনৰ বিষয়াসকলে । খাদ্য বিতৰণ অনুষ্ঠানত উপস্থিত থাকি ইউনাইটেড নগা কাউন্সিলৰ প্ৰাক্তন সভাপতি কে এছ পিলেৱে কয়, মহামাৰী মানৱ জাতিৰ বাবে আটাইতকৈ ডাঙৰ শত্ৰু বুলি অভিহিত কৰে।

আৰু এনে মানৱীয় সংকটৰ সময়ত নগাসকল একত্ৰিত হোৱাৰ প্ৰয়োজন । উল্লেখযোগ্য যে এন এছ চি এনে ৰাইজক চাউল , দাইল আলু , মাস্ক আৰু ছেনিটাইজাৰ বিতৰণ কৰে ঘৰত সুৰক্ষিত হৈ থাকিবলৈ আহবান জনায় ।