নগা বিদ্ৰোহী সংগঠন এন এছ চি এন খাপলাঙ গোটৰ ভাৰত চৰকাৰৰ বিৰুদ্ধে যুদ্ধ বিৰতি ঘোষণা…

ডিজিটেল সংবাদ, ৱাখা : ম্যানমাৰস্থিত নগা বিদ্ৰোহী সংগঠন এন এছ চি এন খাপলাঙ গোটে ভাৰতৰ চৰকাৰৰ বিৰুদ্ধে যুদ্ধ বিৰতি ঘোষণা কৰিছে । বৃহস্পতিবাৰে সংগঠনটোৰ নৱ নিৰ্বাচিত চেয়াৰমেন নিকি চুমীয়ে এই কথা আনুষ্ঠানিকভাৱে ঘোষণা কৰে ।

এক প্ৰেছবাৰ্তাত নিকি চুমীয়ে কয় যে ভাৰত চৰকাৰৰ সৈতে শান্তি আলোচনা আৰম্ভ কৰিব বাবে ইতিমধ্যে যোগাযোগ কৰিছে । তেওঁ আৰু কয় যে নগা জনগণৰ প্ৰত্যাশা আৰু ভাৱনাক সন্মান প্ৰদৰ্শন কৰি এন এছ চি এন খাপলাঙ গোটে নগা সমস্যাৰ সন্মানজনক আৰু গ্ৰহণযোগ্য ৰাজনৈতিক সমাধনৰ এই সিদ্ধান্ত গ্ৰহণ কৰিছে । নগা শান্তি আলোচনাত খাপলাঙ গোটৰ অংশগ্ৰহণে শান্তি প্ৰক্ৰিয়াক অধিক শক্তিশালী কৰি তুলিব ।

নিকি চুমীয়ে আশা প্ৰকাশ কৰে যে কেন্দ্ৰীয় চৰকাৰ , নাগালেণ্ডৰ শান্তি প্ৰক্ৰিয়াৰ ক্ষেত্ৰত বিশ্বাস গঢ়ি তোলাত এন এছ চিএন খাপলাঙ গোটৰ যোগদানে যোগাত্মক সহযোগিতা আগবঢ়াব। ইফালে কেন্দ্ৰীয় গৃহমন্ত্ৰ্যালয়লে কৈছে যে খাপলাঙৰ এই গোটৱেই আছিল ম্যানমাৰত সক্ৰিয় হৈ থকা ভাৰতীয় নেতা -কেডাৰৰ অন্তিমটো বিদ্ৰোহী গোট । এই গোটটোৰ ভাৰত চৰকাৰৰ সৈতে শান্তি আলোচনাত যোগদান কৰাৰ পিছত ম্যানমাৰত সক্ৰিয় হৈ থকা গোটটোৰ কোনো প্ৰাসংগিকতা নাথাকে ।

গৃহমন্ত্ৰ্যালয়ৰ বিষয়া গৰাকীমতে এন এছ চি এন খাপলাঙ গোটৰ যোগদানে নগা শান্তি আলোচনাৰ অধি গতিশীল কৰি তুলিব । উল্লেখযোগ্য যে ২০০১ চনত এন এছ চি এন খাপলাঙ ফৈদে ভাৰত চৰকাৰৰ সৈতে যুদ্ধ বিৰতি স্বাক্ষৰিত কৰি শান্তি আলোচনা অব্যাহত ৰাখিছিল যদিও ২০১৫ চনত একপক্ষীয় ভাৱে যুদ্ধ বিৰতি চুক্তি ভংগ কৰে । লগে লগে ২০১৫ চনত মণিপুৰত ভাৰতীয় সেনাৰ কনভয়ৰ ওপৰত ভয়ংকৰ আক্ৰমণ চলাই প্ৰায় ১৮ সেনাক নিহত কৰিছিল । কিন্তু এন এছ চি এন খাপলাঙ গোটৰ অধ্যক্ষ এছ এছ খাপলাঙৰ মৃত্যু ঘটাৰ পিছতে বিদ্ৰোহী সংগঠনটো নেতৃত্বত সংকটত ভোগে ।

যোৱা ১৮ ডিচেম্বৰত ম্যানমাৰ লেছি অমমী গাঁৱৰ শিবিৰত হোৱা সাধাৰণ বৈঠকত বিদ্ৰোহী সংগঠনটোৱে পূৰ্বৰ নগা আৰ্মিৰ সেনাধ্যক্ষ নিকি চুমীক নতুন চেয়াৰমেন নিযুক্তি দিয়ে । আৰু ইয়াৰ পিছতে কালি তেওঁ নাগালেণ্ডৰ ম্যানমাৰ সীমান্তৰ ফেক জিলাৰ ডেজিগনেটত কাৰ্যালয় পৰা ভাৰত চৰকাৰৰ শান্তি আলোচনা যোগদান কৰাৰ উদ্দেশ্যে যুদ্ধ বিৰতি কথা আনুষ্ঠানিকভাৱে ঘোষণা কৰে ।◆ ইফালে অৰুণাচল প্ৰদেশৰ দুই অইল কৰ্মচাৰী অপহৰণ কাণ্ড কথা অস্বীকাৰ এন এছ চি এন ইশ্বাক -মুইভা গোটে ।

উল্লেখযোগ্য যে যোৱা ২২ ডিচেম্বৰত অৰুণাচল প্ৰদেশৰ চা‌ংলাং জিলাৰ কুমছাখাত কিপো অইল এণ্ড ইফ্ৰাকষ্ট্ৰাকচাৰ কোম্পানীৰ ডিলিঙস্থলী পৰা দুগৰাকী অইল কৰ্মচাৰীৰ অপহৰণ কাণ্ডত এন এছ চি এন ইশ্বাক – মুইভা জৰিত থকা অস্বীকাৰ কৰিছে বিদ্ৰোহী সংগঠনটোৱে । বুধবাৰে ডিমাপুৰ কেম্প হেব্ৰুনৰ পৰা জাৰি কৰা এক প্ৰেছবাৰ্তাত কোৱা হৈছে যে অইল দুই কৰ্মচাৰী অপহৰণত এন এছ চি এন আই এম জৰিত থকা কথাটো সম্পূৰ্ণ ভিত্তিহীন আৰু সংগঠনটোৰ বিৰুদ্ধে অপবাদ ।

বিদ্ৰোহী সংগঠনটোৰ মতে তথ্যগত সত্যতা নিৰূপণ নকৰাকৈয়ে দায়িত্বহীনভাৱে এন এছ চিএনক অপহৰণ কাণ্ডৰ সৈতে জৰিত কৰাটো নিন্দনীয় । কাৰণ এন এছ চি এন আই এম ভাৰত চৰকাৰৰ সৈতে শান্তি আলোচনাত আছে । এন এছ চি এন আই এমে ' কয় একাংশ সাংবাদিকজনে এনে তথ্যহীন বাতৰি পৰিবেশন কৰি সাংবাদিক আৰু সংবাদ মাধ্যমৰ বিশ্বাসযোগ্যতা হ্ৰাস কৰিছে ।