ম্যানমাৰৰ ৰাখাইন প্ৰদেশত আৰকান বিদ্ৰোহীৰ বিৰুদ্ধে সেনাৰ একপক্ষীয় যুদ্ধ বিৰতি ঘোষণা…

ডিজিটেল সংবাদ ৱাখাঃ সুদীৰ্ঘ ৫০ দিনজুৰি চলা ৰক্তাক্ত সংঘৰ্ষৰ পিছত শনিবাৰে নিশা ম্যানমাৰ সেনা টাদমাদাওৱে আৰকান আৰ্মি বিৰুদ্ধে একপক্ষীয় যুদ্ধ বিৰতি ঘোষণা কৰে । অৱশ্যে এই যুদ্ধ বিৰতি ম্যানমাৰ সেনাই সন্ত্ৰাসবাদী অঞ্চল বুলি ঘোষণা কৰা এলেকাত প্ৰযোজ্য নহব ।

কোভিড-১৯ মহামাৰী পৰিপ্ৰেক্ষিতত মানৱীয়তাৰ দৃষ্টিকোণৰ পৰা শনিবাৰে নিশা টাদমাদাওৱে এনেদৰে যুদ্ধ বিৰতি ঘোষণা কৰে। জানিব পৰামতে অহা আগষ্ট মাহলৈকে এই যুদ্ধ বিৰতি বাহাল থাকিব ‌। উল্লেখযোগ্য যে যোৱা ২৩ মাৰ্চত ম্যানমাৰ চৰকাৰে আৰকান বিদ্ৰোহীৰ বিৰুদ্ধে সামৰি অভিযান আৰম্ভ কৰিছিল ।

এই অভিযানত বহুতো নিৰীহ অসামৰিক লোকে প্ৰাণ হেৰুৱাইছে । ইফালে ২০০৯ চনত ম্যানমাৰ ৰাখাইন আৰু শ্বিন প্ৰদেশৰ নৃগোষ্ঠীয় বিদ্ৰোহী সংগঠন আৰকান আৰ্মি য়ে চৰকাৰৰ পৰা স্বায়ত্ত শাসন বিচাৰি এই যুঁজ আৰম্ভ কৰিছিল । ২০১৮ চন লৈকে ম্যানমাৰ সেনা টাদমাদাও আৰু বিদ্ৰোহী মাজৰ যুদ্ধ ত এতিয়ালৈকে ডেৰ লাখ লোকক গৃহহীন হৈছে।