মেঘালয়ত ৪ মাহত ৬১জন প্ৰসূতী, ৮৭৭ নৱজাতকৰ মৃত্যু…

ডিজিটেল ডেস্কঃ মেঘালয়ত প্ৰায় ৪ মাহত ৬১জন সন্তান সম্ভৱা আৰু ৮৭৭ নৱজাতকৰ মৃত্যু হৈছে। ৰাষ্ট্ৰীয় সংবাদমাধ্যমৰ খবৰ অনুসৰি, ৰাজ্যখনৰ স্বাস্থ্য বিভাগে সদৰী কৰিছে যে, ৰাজ্যত কোৰোনা মহামাৰীৰ বাবে চলিত বৰ্ষৰ এপ্ৰিলৰ পৰা চিকিৎসা সেৱাৰ অভাৱ-অনাটনৰ বাবে প্ৰাণ হেৰুৱাইছে ইমান সংখ্যক নৱজাতক-প্ৰসূতীয়ে।

ৰাজ্যখনৰ স্বাস্থ্য বিভাগৰ সঞ্চালক অমন ৱাৰে কয় যে, ২০২০ৰ এপ্ৰিলৰ পৰা জুলাইলৈকে কোৰোনা মহামাৰীৰ বিৰুদ্ধে ৰাজ্যৰ চিকিৎসক-চিকিৎসাকৰ্মীসকলে যুঁজ দিব লগা হোৱাৰ বাবে নৱজাতক কেইজনক চিকিৎসা সম্পূৰ্ণ ৰূপে প্ৰদান কৰিব পৰা হোৱা নাই। তদুপৰি, নিউমনিয়া, শুশ্ৰূষা আদিৰ বাবেও এই ঘটনা সংঘটিত হৈছে।

লগতে সঞ্চালক ৱাৰে আহ্বান জনাই যে, সকলো প্ৰসূতীয়ে নিজৰ নাম কাষৰ স্বাস্থ্য কেন্দ্ৰত নিজৰ নাম পঞ্জীয়ন কৰক। যাতে তেওঁলোকৰ চিকিৎসাৰ বাবে প্ৰয়োজনীয় সকলো সেৱা প্ৰদান কৰিব পৰা যায়। আৰু তেওঁলোকৰ সন্তানৰ স্বাস্থ্যৰ ওপৰতো নজৰ ৰাখিব পৰা যায়।